奶奶帶隊探初生孫 新手媽忙到抑鬱 (晴報)

　　這位新手媽媽指老爺奶奶最近回港暫住，BB才2個月大，但兩老幾乎日日叫親友前來探BB，她慘變妹仔般遭使喚。帖文指，「日日開Party整到屋企超污穢！然後又係我執，搞到勁嘈我要同BB入房。奶奶仲經常衝入嚟我間房，想拎BB出去畀人玩，玩就識玩，整喊完BB就掉番畀我！」

 

 

　　事主曾向丈夫反映，但他只說父母只是想多些時間陪孫兒，惟事主坦言：「我真係覺得畀佢哋逼到有產後憂鬱。」

 

坐月要休息 不宜人多探訪

 

　　大部分網民對事主遭遇表示同情，建議她以回娘家為由，暫時避開老爺奶奶。亦有過來人指，朋友的老爺奶奶也是偶爾回港同住，形容「返親嚟佢仲慘過外傭」。

 

　　另有人說，丈夫習慣其家人的脾性，通常不覺有問題。

 

　　陪月員Connie Lam指，曾有媽媽在客廳「擺好陣」泵母乳，但奶奶突然帶男親友到訪，嚇得她衝入睡房躲避。「事主向丈夫反映，請他叫奶奶勿逕自帶親友上門，但奶奶知道後不滿，覺得探個孫都唔得，仲話個仔幫住老婆！」

 

　　Connie建議，孕婦在分娩前宜先跟家人說明，希望坐月時多休息，避免太多人探訪。「因為BB太細，太多人探訪非好事，一來耽誤媽媽休息，二來怕將病菌帶給BB。」

 

BB鬧情緒 新手爸媽受罪

 

　　另一位陪月員鍾全娣指，這種情況多數是老爺奶奶不理解產婦坐月期間要多休息，加上照顧初生嬰兒已經身心疲憊，倘又要招呼親友及打掃屋企就更吃力。「有些奶奶並非同住，但有兒子家中鎖匙，在無通知下帶朋友登門探BB，令媽媽毫無心理準備，也影響情緒。」

 

　　她亦指，初生嬰兒要多休息，太多人探訪及抱抱，有機會令他們「不安」，飲奶及睡覺時會鬧情緒，最終「受罪」是新手爸媽。建議新手爸媽可跟「四大長老」多溝通，以產婦及BB休息為優先考慮。

 

 

轉載自: 晴報

• 

【香港好去處】etnet全新頻道盛大推出！全港最齊盛事活動資訊盡在掌握！► 即睇