中產師奶搵著數 代友買餸打斧頭 (晴報)

　　朋友應互愛互助，並非互搵著數。有網民在討論區訴苦，指友人貪到出面，因他們聚會時習慣輪流請客，但輪到該友人便「潛水」，即使代朋友買餸亦打斧頭。社工指，如果對住朋友也搲著數，長遠會有損雙方情誼。

 

 

　　發帖文的網民指，今年認識一位師奶朋友，漸漸發覺她極貪心，其「惡行」包括一眾朋友聚會輪住請客，輪到她請的時候，她竟說：「我呢期唔方便喎」！另有朋友請她代買餸，疑她私下打斧頭。「畀咗二百蚊佢，買咗一磅雞翼、一斤菜、一條細魚，買完卻無找錢，幾日後朋友買同樣嘅嘢，只需六十蚊！」

 

朋友贏馬 要求送iPad

 

　　即使朋友堆中有人賭馬贏錢，這位師奶也不忘「搵著數」。「朋友買馬中咗少少錢，買咗枝酒同大家一齊飲，（她）就發脾氣話中咗錢點解唔送禮物？佢話想要部iPad！」事主透露這位師奶屬中產，仍佔盡朋友便宜。大部分網民批評她當朋友是水魚；亦有人慨嘆部分人愈有錢就愈貪心。

 

　　香港遊樂場協會資深社工溫立文指，部分人的性格愛佔便宜，但朋友之間也如此，較難與人深交。「例如有年輕人跟朋友燒烤及唱卡拉OK，藉口有事走先卻不付錢，事後又不主動還錢，令朋友們心有芥蒂，甚至在fb上唱他黐飲黐食！」他認為事主雖得到一時的利益，結果卻損失友誼及個人形象，得不償失。

 

或因獨生 自小受寵愛

 

　　他估計，部分人可能是獨生子女，從小受家人寵愛及遷就。「以為別人對自己好是應份，想法很個人化，無從別人角度考慮，難認識深交朋友。」他坦言成年人已獨立，就算遇社交問題也懂處理，但年輕人在成長階段，需要朋輩支持。「萬一他們得罪晒朋友，遇上困難及失意時，便難以求助。」

 

 

　　聖雅各福群會企業培訓服務總監司徒翠兒指，搵著數未必是金錢，可以是幫忙辦事，這些都是無法可計的利益。面對貪心的朋友，她建議要讓對方知道自己的底線，「可以向對方暗示，我並非易欺侮，令別人不敢佔便宜」。她亦提醒朋友聚會可設定夾錢機制，例如代購物品時，事前建議購買地點，及請對方保留收據等，務求數目分明。

 

轉載自: 晴報

• 

想要獨家投資理財Tips？即Like etnet 全新Facebook專頁► 立即讚好