想入自由黨？你所不知的基本要求是……

　　自由黨今日舉行新春團拜，點少得小妹去湊吓熱鬧！無意之間就被小妹洞悉咗「如何加入自由黨」嘅秘密喇！想知係咩？睇埋落去喇！

 

自由黨今日舉行新春團拜，點少得小妹呢?

 

田少「去旅行，去到盡」

 

　　既然係過中國節日，大會都安排咗大家飲吓茶，食吓中餐咁。Jenny見到田北俊（田少）一坐低就急不及待咁食咗幾粒點心，佢話成個星期都喺外國，好掛住啲中餐啊！話明放假田少當然貫徹「去旅行，去到盡」嘅忠旨，放低晒所有世俗事務，似乎冇乜點理香港呢邊嘅環境，今日返嚟先搵記者補補習，了解返呢排補選嘅最新發展！

 

　　而同枱嘅九龍塘區議員何顯明就自爆，自己而家仲有搵前黨友、新界東參選人方國珊（哪吒）吹水！佢仲同Jenny講，如果哪吒肯搵個黨加入，早就贏到個議席返嚟喇！自己亦都成日問佢：「你冇後台點算呀？」不過得到嘅回覆就係：「點都要試下嘅！」睇嚟哪吒嘅心意都幾堅定！不過Jenny冇記錯嘅話，如果佢今次又失敗，前前後後都已經「試」咗4次喇！ 

 

邵家輝：我飲酒冇醉過

 

　　席間亦都傾到去之前去美酒佳餚巡禮，有行家就問邵家輝(Peter)，係唔係黨內最「飲得」嗰個？佢就好大口氣咁話「我飲酒冇醉過」！又分享自己嘅「飲酒經驗」，話自己從來未試過醉到「斷片」云云。一講到酒，同枱嘅黨友劉懿樂同埋九龍塘區議員何顯明亦都開始滔滔不絕。原來入得自由黨，先決條件就係要識品嚐杯中物！

 

　　新界東候選人還有黃成智、陳玉娥、鄧家彪、趙佩玉和范國威。

 

 

 《經濟通》所刊的署名及／或不署名文章，相關內容屬作者個人意見，並不代表《經濟通》立場，《經濟通》所扮演的角色是提供一個自由言論平台。

• 

【你點睇？】《施政報告》提出醫療改革，盧寵茂表示日後普通科門診擬只接受弱勢群體，你是否支持？► 立即投票