《Online有話兒》華為任正非：公司設計的先進晶片內地做不出來

 　　華為呢一兩年可謂相當頭痕，因為中美貿易戰令好多依靠全球供應鏈嘅企業都成為磨心，特別華為高段晶片都依賴境外供應，所以大家都憂慮緊呢個中國通訊巨擎企業嘅前景。而華為創辦人任正非早前係北京幾所大學嘅座談會上指出重點：「公司設計的先進晶片內地的基礎工業還做不出來。」唔通真係咁嚴峻？ 

 

 

內地似二戰前美國，依靠平靚正技術快速生產

 

 

(Shutterstock圖片)

 

　　任正非係會上表示，而家嘅中國好似二戰前50年嘅美國，雖然產業領先全球，但係科技研發上充滿功利主義，從來都唔重視研究、基礎教育，並十分依靠歐美基礎研究嘅成果，發展「短、平、快」產業：

 

　　「華為今日遇到嘅困難，係我哋設計嘅晶片，國內基礎工業都整唔到，而華為係無可能又去整產品，又要去製造晶片。」

 

　　其實從中興、華為事件，國家已經意識到高科技產業落後，雖然之前已經講過話將會全力支持中國晶片行業全力發展，不過科技呢樣嘢唔係齋投放金錢就可以有產出，背後有好多基礎研究係需要時間同人力，中國要加把勁呢！

 

中國要重視科學工程，應該允許一部分人做「梵高」

 

 (Shutterstock圖片)

 

　　相信中國係發展高科技上已經出盡力，以幾十年時間已經「登上太空」、「發展５Ｇ」，係能人所不能；但不得不承認，係某啲高端技術上，中國依然係落後緊，所以任正非認為，中國應該重視科學、技術、工程領域橫向融合創新，唔應該用「目的性」作為研究方向：

 

　　「中國咁大嘅經濟總量，允許一部分人是『梵高』應該是可以的。」

 

　　佢嘅意思係講，國家不僅要重視科學理論、工程技術嘅研究，亦要重視一啲不以應用為目的嘅純研究，中國科研先可以「向上捅破天」。佢指出，科學發現、技術創新中最主要嘅係「寬容」，科學嘅道路漫長孤寂，急功近利指有戲劇作家，更強調英雄係平凡人，不要忘記他們，忘記就意味背叛。

 

強調基礎教育，學生太過同質難有天才

 

 (Shutterstock圖片)

 

　　對於中國點樣發展教育，任正非認為基礎教育同人才十分重要，而中國每年都有７至８００萬大學生，連帶中專生都有千萬人，所以如果大家都係「一二一，齊步走」的話，令到學生同質化，缺少活力就唔容易有天才出現：

 

　　「差異化就容易產生尖仔，政策上要支持少數人的因材施教，同時也要重視農存教育，相信２至３０年後，中國的創新能力就可以大幅增加，同美國的差距就會縮少，而中國如果無創新就難以支撐咁大嘅經濟體持續發展。」

 

　　中國式教育經常被人批評學生過於現實，只會學習一啲「搵食」科目，甚至父母要求子女入政府打工安穩度日，對於學生嘅「天馬行空」往往係成長階段被打壓。學任正非話齋，中國不缺人才，但要有「天才」出現，睇怕要從根本作出整頓先有出頭天啦！　　

 

撰文：李皆穎

 

 

 《經濟通》所刊的署名及／或不署名文章，相關內容屬作者個人意見，並不代表《經濟通》立場，《經濟通》所扮演的角色是提供一個自由言論平台。

• 

【你點睇？】美國總統大選在即，你認為誰將最終當選？► 立即投票