2013-05-15
西蘭花炒帶子
有時過時過節唔想出街食飯,因為去酒樓點菜來來去去都係家常小炒。現時通脹咁勁,倒不如學定煮幾味,自己煮幾道菜開開心心一家人一齊吃,不是更加開心?
材料:
急凍帶子 10粒、西蘭花 300克、蒜茸 2茶匙、薑片 3片、甘筍片 數片
帶子醃料:
胡椒粉及雞粉 各少許
調味料:
雞粉 1/4茶匙、砂糖 1/4茶匙、紹興酒 1/2茶匙、蠔油 1湯匙
做法 :
1. 帶子沖洗乾淨,抹乾水,切半,加入帶子醃料,醃10至15分鐘。
2. 帶子放入滾水內,汆水30秒,盛起 (可以加入半茶匙檸檬汁漂白及去腥) 。
3. 西蘭花用小刀切出小朵,莖部去皮切片,浸洗一會盛起。燒熱一鍋熱水,加少許鹽及油,將西蘭花加入烚4至5分鐘,盛起瀝水,排在碟上。
4. 燒熱鑊,下油1湯匙,放入蒜茸、薑片及甘筍片爆香,加入帶子大火快炒約2至3分鐘,即可上碟。
韋太小貼士:
西蘭花預先用熱水烚熟,較用猛火及油去炒為健康,顏色亦會較為青綠。甘筍片都可以一同入熱水內烚熟才回鑊炒。
《經濟通》所刊的署名及/或不署名文章,相關內容屬作者個人意見,並不代表《經濟通》立場,《經濟通》所扮演的角色是提供一個自由言論平台。
【你點睇】國家隊奧運健兒訪港,有市民指難以購票感到遺憾► 立即投票