2022-05-02Photo: 由作者提供
一味兩食!用油甘魚鮫煮湯+日式大碗飯(附食譜)
氣溫高升影響胃口,正常飯餐提不起食慾,搞搞新意思,以油甘魚鮫煮湯做飯,一味兩食,平靚正,滋味醒胃又飽肚。
這一湯一飯的組合,表面看來複雜功夫多,實情省時方便,最重要是大部份工序均可預先做好,吃前10分鐘加工即可;尤其適合在家工作的閑人,可以一邊開會一邊滾湯,一邊寫稿一邊煮飯,善用時間,別人的10分鐘,我把它變成20分鐘,靈活高效。
一直都說,做甚麼菜也好,首要條件就是材料盡量要鮮,新鮮材料做出來的餸菜,縱使烹煮時出現技術性的失手,味鮮依舊取勝。
我的油甘魚鮫都是購自居所附近的一間壽司外賣店,因為小店生意有限,油甘魚取肉做刺身或壽司後,每天出售的魚鮫,就只有幾個,早去到,魚未開,晚一點,又售罄。每次經過,我都會踫踫運氣,大大兩件才$60,可以做二人份的餐膳,有湯有飯,自覺超值。
油甘魚屬白身魚,較拖羅、三文魚及沙甸魚淡口少油,肉質細嫩,魚味清鮮。喜歡吃香口餸菜或以酒伴餐的話,可把洗淨的油甘魚鮫直接煎、燒或焗,待外層呈金黃香脆狀時,灑上適量海鹽即可上桌,同樣簡易惹味。
入正題:
材料 — 油甘魚(2件)、日式油豆腐皮(隨意)、日本白蘿蔔(隨意)、日本醃漬蘿蔔(隨意)、日本米、薑片
調味料 — 日式壽司醋、鹽、油
做法 — 蘿蔔魚湯
1. 油甘魚鮫輕刮魚鱗,洗淨,抹乾。
2. 日本白蘿蔔去皮,洗淨,切小件。
3. 以大熱滾水快速沖洗日式油豆腐皮,減少油膩,切幼條。
4. 平底鍋以慢火加熱,注入少量食用油,把油甘魚煎熟。
5. 待涼後,取出魚肉留作做大碗飯。
6. 小鑊注入少量食用油,薑片略爆,加入已拆肉,只剩魚皮魚骨的油甘魚鮫。
7. 先以大火滾10分鐘,再轉慢火多煮10分鐘。
8. 取出魚皮魚骨薑片,只保留魚湯,加入白蘿蔔,以慢火煮至七成軟身。
9. 進餐前翻熱蘿蔔魚湯,加入豆腐皮幼條,調味即成。
做法 — 大碗飯
1. 把取出的魚肉稍稍弄碎,加少許鹽拌勻調味。
2. 取適量日本醃漬蘿蔔切小粒。
3. 洗米煮飯。
4. 進餐前,注入適量壽司醋,與米粒徹底拌勻,再加入魚肉和醃漬蘿蔔粒,試味,若嫌淡口,可略加鹽份,即成。
小貼士︰
1. 煎油甘魚時盡量不要煎至焦香,否則魚湯湯色較易變濁。
2. 白蘿蔔去皮要夠狠,刮多兩層,蘿蔔煮起來特別鮮甜。
3. 不一定要用日本米,但以日本米做大碗飯,最合情理。
《經濟通》所刊的署名及/或不署名文章,相關內容屬作者個人意見,並不代表《經濟通》立場,《經濟通》所扮演的角色是提供一個自由言論平台。
【你點睇】烏軍攻入俄國庫爾斯克州近兩周,並炸毀兩座重要橋樑,你認為俄烏戰爭會否急劇惡化?► 立即投票