求職面試，求職者通常櫈都未坐暖，就要即刻要接波——「請你介紹一下你自己。」面試官/ HR沒尾音地說。「自我介紹」環節堪稱逢in必出，唯HR透露，不少求職者的表現均強差人意。今期特意Chok出HR心目中的5大極品「禁答」，兼搭單加送靚答3大要訣。

 

HR爆「自我介紹」5大禁答：

 

禁答1︰自誇

 

　　例︰「我本名盧勝強，不過大家通常都叫我做叻叻豬。」

 

　　HR毒舌回應：如果真係醒，就唔會用個咁蠢嘅方法話自己醒啦。自我介紹中，自誇之詞可免則免。

 

禁答2︰小學雞

 

　　例︰「我好有領導才能，表現最好嗰次係小學做班長……」

 

　　HR毒舌回應：代表作要數到小學？即係之後無嘢見得人啦。得，唔該。

 

禁答3︰潮語

 

　　例︰「是咁的，本人真係Day Day都想瘋狂返工！」

 

　　HR毒舌回應：潮語幾精警到位、幾能夠將閣下的心情表達得淋漓盡致都好，官方面試中講呢啲，只能說係中晒伏。

 

禁答4︰廢唱

 

　　例︰「我沒有6呎高，我卻會待客好~」

 

　　HR毒舌回應：好地地，唱咩鬼嘢歌？阿姐都係咁話。 

 

禁答5︰爛Gag

 

　　例︰「我份人謙過羅仲謙。」

 

　　HR毒舌回應：真係笑你驚你嬲。即係咁，世上最失敗的笑話，莫過於講出嚟令到自己俾人笑。

 

【自我介紹】靚答3要訣

 

1/ 搵啱切入點

 

　　面試前，求職者應先找出應徵職位須具備的特質，並以此作為框架。以流行雜誌編輯為例，不妨強調良好語文能力及潮流觸覺。

 

2/ 比實例

 

　　求職者sell自己的賣點，離不開「經驗值」與「能力值」2項。闡述時，切忌一味自high吹噓大堆形容詞，而例子和證據欠奉。對於對家（即「Sydney Mouse」的面試官）而言，這是很「趕客」的。

 

3/ 強調比較優勢

 

　　舉例時，求職者宜提供具體而具競爭力的證據，如相關學科成績優秀、曾獲業界嘉許等。只有真實故事，才能有效引起面試官追問下去、展開深入對話的興趣。

 

Source: ctgoodjobs.hk

• 

【你點睇？】有學者倡60至65歲以下長者之2元乘車優惠，設每月補貼上限700元，你點睇？► 立即投票