「我覺得佢對F特別好……」新仔Q扁著嘴說。天啊！扁嘴，有人扁嘴，在辦公室內，有個叫「同事」的物體在面前扁嘴，不知好嬲還是好笑？

 

　　如果Q是新仔的話，那麼F就是新新仔——為表示一視同仁，新仔或新新仔的「仔」，都不包含性別含意，可以是男，亦可能是女。說起來，今時今日男女的界線愈來愈含糊，也許，除了受生理結構影響的生活習慣（如入男廁還是女廁）之外，沒必要分得太龜毛。

 

　　新仔是男是女可不必分得那麼清楚，但是公私總要分明。明明是返工，說甚麼誰對誰特別好？誰對誰好，誰對誰不好又怎樣？有時間計算他人，倒不如將心思花在工作上，做點成績出來。然後就會明白，這才是對自己最好的選擇。

 

　　「點解你會咁認為？」這樣問，並不表示我對邊個對邊個好感到興趣，通通不過是職責關係。從事管理的，有一種求生技能是必備的——要令對方言無不盡，其中一個最萬試萬靈的必殺技是問「點解」。（最考工夫的並非問「點解」，而是壓抑自己嗤之以鼻的條件反射，並表現出萬分好奇。）

 

　　「佢少啲嘢做。」「佢早過我收工。」「佢對我惡過對F。」「佢同F講嘢多啲。」blablabla……這類內容，說10萬次我都無法複述——所謂「廢話」，就像不諳的外語一樣，語音而已。

 

　　「所以呢？」我戚戚眉問。Q低頭不語，我因而老懷安慰。如果他毫不心虛繼續數下去，真是想人對他好都難。「不如咁諗，如果我請兩個新同事同你一齊做嘢，一個中六畢業，另一個小學未畢業，你會點處理？」我又問。

 

　　從Q醒目仔的滿足的微笑，我就知道他是明白的。

 

　　曾經何時，有前輩跟我說︰「大學生先唔會同小學雞計較。要鬥cute、鬥可愛、鬥天真咩？算罷啦！」這一次，我加多句︰「好好把握機會，學習成長，要爭就爭做獨當一面嗰個。想匿喺母雞後面？你仲細呀？」

 

　　原文刊載於ctgoodjobs.hk

 

 

 《經濟通》所刊的署名及／或不署名文章，相關內容屬作者個人意見，並不代表《經濟通》立場，《經濟通》所扮演的角色是提供一個自由言論平台。

• 

【你點睇？】上海有女子赴瑞士接受安樂死，引網民熱議。你是否支持安樂死？► 立即投票