「唉……你咁高級，點會明白我地呢啲卒仔嘅苦況？」同事P已經不是第一個這樣向我「詐型」的下屬。

 

　　「唉，你呢啲『卒仔』，又何嘗明白我做中層夾心兵嘅難過？」我多次想衝口而出，亦感恩能夠統統夾硬吞回肚子裏。

 

　　早前一項調查顯示，中層管理人員平均壓力指數達7.6分（10分爆煲）；其中逾半數人士壓力指數達8分或以上，壓力幾近爆煲，容易出現焦慮及發脾氣，慘成企業「三文治」。

 

　　有苦自己知，幾乎成為全宇宙中層共同面對的處境。這個世界，「我睇你好，你睇我好」是常識，然而中層卻似乎被置於一個「被睇好」的位置，下面看你風光，上面又睇你疏爽。

 

　　在職場打滾多年，當然見過「爽爆」中位者——對上唯唯諾諾，然後將大人旨意直接forward給下層一班「魚毛」去跟進，做出成績就是「領導有方」；做到鑊粥的話，卻是「班細唔聽話」。

 

　　比較中性的中層，一般採取放生政策，任下屬自生自滅、自負盈虧。我不佔你便宜，但亦請別寄望我會與你分甘同味，抱著「大家打份牛工，我只是入行比你早，職位比你高一點而已」，不會為誰的工作及發展負責。

 

　　亦有些比較有腰骨有膊頭的中層，他們是下屬的「防煙門」，對外衝鋒陷陣；而在這樣的庇護下，下屬安心返工如趁媽咪落街買餸，就約埋一班隔離鄰舍出走廊玩波子的幸福孩子。

 

　　我沒有要幫任何中層人士發聲或訴苦的意思，反正任何階層都有自己的生存之道，以及委屈之處。只是，如果P埋怨過後，覺得心靈上獲得一點慰藉，返工做得比較坦然安樂，我覺得硬吞一啖廉價的閒氣，亦算對得起自己份糧了。除此之外，老實說︰「如果你唔爭氣，我其實都幫你唔到。」

 

　　唯奉勸一句，千萬別隨便抱怨（忍不住、唔呻唔安樂的話，務必慎選對象），更不要習慣性怨天尤人。有Guts的，就為自己的人生負全責。只要自己「有料到」，就無懼風吹雨打。

 

　　原文刊載於ctgoodjobs.hk

 

 

 《經濟通》所刊的署名及／或不署名文章，相關內容屬作者個人意見，並不代表《經濟通》立場，《經濟通》所扮演的角色是提供一個自由言論平台。

• 

《說說心理話》身體唔舒服查唔到原因？周身痠痛疲累？可能係患有心身症！點解原生家庭會長時間影響一個人？點樣脫離循環？► 即睇