「你上星期做咩咁夠薑，一嘢頂埋去？」我問。

 

　　事隔一星期，同事B啖氣仍然未消︰「係丫嘛，完全唔make sense嘅！落手做嘅唔係佢，諗都唔諗下可行性就話得得得！」

 

　　「但係佢始終都係老細，你咁做對你無好處。」我一來嘗試動之以情，二來著實對他的自殺式進諫深感「肉赤」。

 

　　畢竟在這「寧要乖仔，莫做叻仔」的世代，膽敢高呼逆耳忠言的B的確是可造之材，至少證明他對工作非常上心，而非唯命是從、「hea應得，實唔做」之輩。然而，不論是公然還是私底下，「唔聽話」頂撞老闆始終是死罪。

 

　　「都無計架，明明就唔合理，唔通要『係係係』咁咩？」B的剛烈令不少管理層相當頭痛。

 

　　「我明白，我都做過食物鏈最底層，好理解箇中無奈同苦況。不過最近幾年，開始明白龍躉、鯊魚、北極熊都有天敵。」我說。

 

　　「我明白我呢啲燕雀唔會體會到老闆嘅鴻鵠之志，但係大鵬可唔可以都體恤下麻雀仔搵食艱難？」B面露難色。

 

　　「老闆一定不會錯，但也未必全對……」看見B面部表情肌肉開始放鬆，我就建議他要「頂」得得體，「頂」得聰明︰

 

　　1、老闆在「頂」層，務必畀足面（不管是否真的值得畀面）。

 

　　2、把「領功位」雙手「頂」讓奉上，千萬別急著認叻搶風頭。

 

　　3、給老闆留一點空間，別步步進逼，「頂」到行令他感覺地位受威脅。

 

　　4、「進諫」要看場合，切忌公然違抗聖旨，甚至公開數老闆不是，慎防「頂」到上心口。

 

　　5、善用暗示法，讓老闆自己發現問題所在，打工仔切勿直斥其非，「頂」多講多兩次。

 

　　6、上司有缺漏，主動幫佢「頂」。

 

　　原文刊載於ctgoodjobs.hk

 

 

 《經濟通》所刊的署名及／或不署名文章，相關內容屬作者個人意見，並不代表《經濟通》立場，《經濟通》所扮演的角色是提供一個自由言論平台。

• 

【你點睇】港府本年度已錄逾2千億元赤字，有議員指或難符基本法力求收支平衡之規定。你認為當局應如何解決財政問題？► 立即投票