古天樂前晚舉行粉絲春節團拜，在九展擺下39圍，同粉絲見面玩遊戲，特別的是在現場為內地網站「新浪微博」做直播，公開與粉絲聯歡實況，未正式開始直播已有過千萬網友點擊等住睇，反應極佳。

　　古天樂只需簡單的在鏡頭面前用普通話講開場白，跟網友打招呼，約略介紹活動性質，完全不影響晚會流程，到了幸運大抽獎時就與網友互動，特地送出他代言的手表給網友，結果短短半小時直播便錄得超過1,700萬點擊率，完全古天樂效應。

　　內地網站競爭激烈，各出奇謀吸客，近年興直播，早已捧出如郭富城女友的網紅，現在更借助明星效應，為擦靚招牌，不惜付出可觀酬勞，所以因玩fb直播而險惹怒ViuTV的古天樂，曾揚言不敢玩直播，如今無有怕，當然是條件非常吸引，才能打動酷爆兼低調的古仔，做直播既可輕輕鬆鬆賺一筆，又可谷人氣，一舉兩得，相信愈來愈多藝人日後會將自己的活動做網上直播。

轉載自: 晴報

【與拍賣官看藝術】走進Sotheby's Maison睇睇蘇富比旗艦藝廊！蘇富比如何突破傳統成規？► 即睇