《一屋老友記》叫好叫座，收視高開，福將歐陽震華的角色頗難駕馭，稍為留力會變悶角，他交足功課，其他配搭如胡定欣、滕麗名和呂慧儀角色設計和演出都到位，兩「鬼」胡楓和羅蘭，好鬼可愛，如黑松露吊起戲味。鬼片真的幾時都有市場，主題是團結家人，當中加插笑彈，不會嚇怕小朋友，放在八點半晚飯檔如度身訂造，演員有老有嫩吸納不同年齡觀眾，角色有辣妻、廢青、失意中年、中港夫妻，匯集香港各階層，引起不少共鳴，賣溫情方程式計算準確，所以有今時今日難得一見的30點收視。

　　溫情過後，《完美叛侶》來一場辦公室政治鬥爭，劇情貼時，例如把解款車跌錢案融入劇情，陳豪演律師入型入格，懷疑老婆邵美琪不忠，又睇細佬唔順眼，反映人性陰暗面，只有叛侶沒老友記，兩劇劇種兩極化，食住家飯定麻辣火鍋，食齊兩樣又得，任君選擇，如果兩線劇同類型，觀眾會膩，現在排陣啱數，觀眾梗畀Like啦。

轉載自: 晴報

【etnet 30周年】多重慶祝活動一浪接一浪，好禮連環賞！ ► 即睇詳情