快將「登六」的周潤發，寶刀未老，由他和張家輝主演的賀歲片《賭城風雲Ⅱ》，內地票房衝破九億人民幣（約11億2千萬港元），成為春節票房冠軍，在香港亦是港產片賀歲檔冠軍，成為雙料冠軍，除巨星效應，導演王晶的專業觸覺，應記一功。

　　去年《賭城風雲》大收，今年出續集，為免觀眾睇到悶，王晶加入舊將張家輝添新意，家輝由電視轉戰電影之初，曾拍了多部瘋狂搞笑賭片，他嫌棄得宣布不再拍笑片，改走演技派性格路線，直至成為七料影帝，演技獲肯定，又做了導演，奠定影圈地位，相隔多年，才再接拍搞笑賭片，對善忘的觀眾來說，會覺得有新鮮感，要找一個演技和人氣能駕馭周潤發，又能與他擦出新火花的演員，張家輝是不二之選。王晶出名有商業頭腦，不拍攞獎戲，只拍賣座片，看準農曆新年，中國人賭性特別重，家家戶戶都開賭局，正是賭片上演好時辰，入去戲院睇親切巨星演出，滿足一下賭性，笑下，開開心心過年，票房開圍骰通殺，證明王晶計算準確。

　　看過《賭城風雲Ⅱ》，再看其票房，更要讚王晶厲害，他針對的並非熟悉他一系列賭片的香港觀眾，而是龐大的內地巿場。也要讚周潤發厲害，野生捕獲票房，風頭蓋過片中所有演員，囊括所有榮耀及功勞。

轉載自: 晴報

《說說心理話》身體唔舒服查唔到原因？周身痠痛疲累？可能係患有心身症！點解原生家庭會長時間影響一個人？點樣脫離循環？► 即睇