特首參選人＋名人新春揮春贈言

#風水玄學 #2017特首選舉 #特首 #選舉

蘇民峰多持現金投資瑞意

　　雞年將至，蘇師傅送給大家四字真言是「投資瑞意」，希望投資者個個賺得盤滿缽滿。不過，蘇師傅指2017年，股市方面將會是普通牛皮市，陷入悶局，宜短炒不宜長揸，只適合賺快錢，長揸的話就要等到2019至2021年才沽貨。

蘇師傅新一年祝大家投資瑞意，留意雞年股市先升後跌，今年高位較大機會延遲至立冬後出現。

　　股市走勢，他預測會先升後跌，今年春季氣氛淡靜，適合入市，夏秋回升收成。低位容易在1月6日後、5月6日後出現，高位容易在8月8日或11月7日前後出現，今年高位較大機會延遲至後者立冬後出現。揀股方面，屬水股排行第一，可選銀行股和濠賭股。

股市不穩最看淡2018年

　　他又特別提醒投資者，2016至2018年股市不穩，尤其最看淡2018年，有機會全球經濟搞到一鑊泡，建議大家多手持現金，或收租保平安。

　　樓市方面，蘇師傅已看淡樓市3年，去年仍呼籲投資客買樓可免則免。惟2016年樓價跌不下，甚至倒升，他直言已摸不清現時樓市價值，「人算不如天算」。

　　他批評政府加辣影響市場秩序，「依家都唔知佢叫跌定唔跌，如果當佢唔跌，唔跌就要買。政府加辣後，要睇吓成效如何，其實依家有好多細價樓賣唔郁，加辣打擊兩類投資者，第一，而家手頭上有樓嘅人唔會買；第二，如果有層樓收緊租，賣咗出去再買，要比15%印花稅，又唔會買。」蘇師傅認為政府應撤辣招，讓市場進行調整，否則以現價及租金回報來看，港樓已全無投資價值。

蘇民峰

Profile

56歲

現職︰堪輿學家

經歷：

‧80年代曾當髮型師，1983年開始睇風水，最初在廟街擺檔，及後人氣急升，成為著名風水師，出版多本風水運程書

投資組合：90%商舖及物業，5%現金，5%股票

舖位：在中環擁4個舖位，包括些利街14號、堅道43、45號及124號，並於尖沙咀利時商場擁有6個舖位

住宅：西半山珒然一個低層單位、跑馬地單幢大廈一頂樓連天台單位

海外投資：日本北海道二世古Vale酒店逾1,000平方呎單位

雞年揀股策略

　　1. 屬水股：銀行、保險、賭博、貿易　