散戶在市場沉迷炒作，多少源於搵快錢心態，多年股評經驗顯示，大部分股民只在乎指數與股價走勢的升與跌、上或落，懶理宏觀與微觀基本面。

　　需求主導下，適逢門檻極低的網上平台冒起得有如雨後春筍，實體評論遂變得虛擬，更催生了大量流於即市個股升跌的所謂分析、「貼士」股滿天飛，成為另類以供應滿足即食文化下創造出來貪搵快錢者需求的廉價資訊。

　　羊毛出自羊身上，閣下曾否想過，為甚麼會有如此大隻蛤蜊隨街跳？

　　聞說但凡地震、海嘯等等天災前，會同樣出現蛤蜊大遷徙異象。

廉價貼士 旨在引散戶入局

　　賺錢貼士滿街空群而出，派貼士者，好處究竟從何而來？情況令人聯想起大街小巷，臨時租用吉舖作為夜冷散貨的執笠倉，全天候開動錄音機加大聲公，播放「呢個鮑魚刷洗廁所會有幾乾淨」、「那件去污棒又有幾無敵」；現場還有一個真人示範，加埋幾件不知是做「媒」還是真正八卦一番的大嬸，圍住檔口起哄吶喊，還要你眼見其付真金白銀掃貨，搭到個雞棚似模似樣，好像人山人海很旺場。

　　正所謂笑騎騎、放毒蛇，理據邏輯似是而非、卻重複又重複地疲勞轟炸式的音波功，原來說穿了，目的只有一個，引你入局，剪你羊毛，燒你手指。

轉載自: 晴報

《說說心理話》 消費能獲取快樂？買不起，不如花光錢錢$$？「習得性無助」有何影響？一起看看正確理財觀念。► 即睇