一個下午，接到一位男士來電。

 

　　「可唔可以問吓關於嗰樣嘢？」

 

　　「嗰樣嘢係指……」我澄清他想問甚麼。

 

　　「同老婆之間嘅嘢。」他說。

 

　　「你哋之間邊方面嘅嘢？」

 

　　「兩個做嗰樣呢！」他答。

 

 　　「係未指你哋嘅性生活呀？」避免繼續捉迷藏，我直接問他。

 

 　　「係呀，係呀！」他聲量提高，有點像謎底被猜中般的興奮。

 

　　 「你想問性生活中邊方面嘅嘢？」

 

 　　「我想問關於嗰度嘅嘢。」他答。

 

 　　「嗰度係指…….」我又進入另一個猜謎遊戲。

 

 　　「我嗰度入去佢嗰度嘅時候會痛。」

 

 　　「痛，係你定係你太太？」我接近解到另一謎底。

 

 　　「係佢，我想知佢嗰度痛嘅原因，有咩方法解決？」

 

　　原來「嗰樣嘢」是指陰道性交，「我嗰度」是指陰莖，「佢嗰度」是指陰道。猜了半天，總算初步知道是一位初婚男士想查詢當進行陰道性交時，太太感到陰道疼痛的原因和處理方法。

 

　　經常聽到有人將性器官稱為「痾尿嗰度」，但卻甚少聽到有人說「睇嘢嗰度」，只會直接說「眼睛」；會說「口」而不會說「講嘢嗰度」。

 

 　　我們的說話方式，會反映及同時塑造對該事件的態度，而態度又會影響對事件的處理方法。

 

　　如果是不習慣，你會如何面對你的不習慣？

 

　　如果是傳統觀念影響，你會如何面這個受傳統觀念塑造的自己？

 

　　如果是害羞，你會如何面對本來就是你身體及生活的這一部份？

 

　　說不出「性交、陰莖、陰道」，只道「嗰樣嘢、我嗰度、佢嗰度」，反映對性有著甚麼態度？這態度對我們性慾、性幻想、性行為和性關係問題的處理，會有甚麼影響？

 

　　當性只可私下做而不可正面談時；

 

　　當性只可以側面或避重就輕地提及時；

　　
　　當對本來就是自己生活一部份的性愛，仍然忌諱時；

 

　　當對本來就是自己身體一部份的性器官，羞於承認和接受時；

 

　　表裏一致和諧的性生活，或許只是可望而不可及的期盼。

 

 

 《經濟通》所刊的署名及／或不署名文章，相關內容屬作者個人意見，並不代表《經濟通》立場，《經濟通》所扮演的角色是提供一個自由言論平台。

• 

《說說心理話》【奧運劍擊熱】大師兄張小倫親身分享！贏在起跑線=壓力？如何培育子女有卓越成就？► 即睇