世事政情

　　原先今天不是寫這個主題的，但聽到那些荒謬不堪的論述，還有不知所謂的示威者，真有點氣。

　　今早，規劃署建議改劃屯門部分土地用途，希望可以興建超過1萬間公屋單位，城規會於屯門區議會聽取意見。

　　當然可以估計到一定有居民到場請願，反對署方建議，又一定有區議員站在最前線，喊得最大聲。

　　居民那一套，甚麼用地與住所距離太近、附近私樓密度高，起「插針樓」會帶來屏風樓效應、屯門公路和皇珠路擠塞嚴重、社區設施配套不足以應付人口增長等，總之就是反對。

　　而最離譜是那些區議員，民建聯的區議員葉文斌先是偷換概念，表面上支持增加公營房屋，卻說用地鄰近的屯門泳池輕鐵站出現沉降問題，應該先解決屯門泳池輕鐵站沉降，再討論是否建屋。

　　這是甚麼話？何其荒謬！

　　看看以下例子以證其荒謬處：父母叫兒子不要看電視，先做功課，兒子卻說你叫外傭姐姐先清潔廁所。清潔廁所和做功課有甚麼關係呢？孩子說廁所未清潔，太污糟他沒法去廁所，去不了廁所，便做不了功課。

　　何者為先？應該是何者為重才是。

　　屯門泳池輕鐵站出現沉降，是應該亦必須正視和解決，但和是否建屋有何關係？

　　葉文斌又表示支持增加公營房屋，但必須要選擇「適合地方」。甚麼叫地方叫「適合」？在他們附近便一定不適合了。

　　同是建制派的民建聯龍瑞卿和新民黨議員甘文鋒亦走在一起，反對將屯門天后路及湖山路改為住宅用地，說他們不是反對增加房屋供應，但一定要規劃得好。

　　若只是要求規劃好，為何又要求暫緩改劃？兩人不就是齊齊跪在選票面前。

　　當這批反對改劃土地建公屋的居民捫心自問，想想那些30-40度天氣仍住在劏房的N無人士時，能夠興建1萬間公屋是多麼令人雀躍的事，你們可否多一點同理心？

　　7月，實在難得的好日子，因為立法會議員放假了，難得耳根清靜。立法會議員暑假不用工作，每月10幾萬的薪津，可以過一個逍遙快活的暑假。

　　有趣的是公務員要上班，我和你也要上班，當然我們有大假，但他們卻可以有連續三個月大假。最有意思的是，他們的工作就是批評政府，罵完這個又鬧另一個，這份工真易做。他們放假了，以為落得耳根清靜，怎知又爆出這班不學無術的區議員和不知所謂的示威者來！

　　話咁快2023年就去到尾聲，先喺度同各位讀者講句新年快樂，希望2024年大家搵得更多，身體健康。

　　唔少人每到年尾都會為自己定下一個來年嘅目標，希望自己比去年更進一步。2023年底肯定會有470位香港人為訂定目標而感到頭痛，佢哋就係即將上任嘅新一屆區議會議員。

　　上星期五，中央港澳辦、國務院港澳辦主任夏寶龍喺全國港澳研究會成立10周年研討會上發表重要講話，當日仲吩咐所有候任區議員都要出席香港嘅直播「細心聆聽」。夏主任成篇講話嘅主題就係「以實際行動詮釋愛國愛港，奮力譜寫『一國兩制』實踐新篇章」。

港澳辦主任夏寶龍上周五發表重要講話，當中提到區議員要用實際行動為香港做事。（港澳辦網頁圖片）

 　　夏主任發言嘅全文，好強調用「實際行動」而唔再係空口講白話咁去做愛國愛港嘅事，亦特別提到社會上幾個層級要做好嘅工作，除咗特區政府一眾有實權嘅人士之外，區議會、政團社團、工商界別甚至係廣大青年，都應該參與其中，要有行動去令到香港做得更好。

　　470名區議員要有咩行動？夏主任就講到，區議員作為特區政府施政嘅助手、市民解決問題嘅幫手，要做好上情下達、下情上報，更加要將精力放喺服務居民上，把社區居民大事小情放喺心上，了解佢哋嘅急難愁盼，幫助解決日常大大小小問題。

　　有深厚地區服務經驗嘅「區佬」就同Tina講，夏主任嘅講話內容可以話係無乜新意，但細心咁睇亦可以話係處處重點。佢解釋，主任提到嘅工作內容，其實都係過去區議員日常協助居民處理嘅事情，做開嗰班就唔覺得有咩特別。而主任講話要一眾候任區議員坐定定咁聽，一就係要表達新制度下嘅區議會雖然只係諮詢架構，並無實權，但其實都係有實際嘅工作目標，並且要做得到位，唔可以做衰；其二就係要話畀一眾新議員，特別係委任嗰班知道，唔好諗住係委任就唔使做地區服務，佢哋一樣要跟足主任指示，好好咁幫居民排難解憂。

　　服務地區居民，從來都係知易行難，特別一班無政黨無經驗嘅新丁區議員，喺今時今日選區咁大嘅情況下，選區頭同選區尾嘅居民所面對嘅問題都已經可以好唔同，確實係無從入手。全港最大黨民建聯都需要搞一個培訓班為黨內嘅新人補習，聽聞無地區服務背景嗰班新丁依家叫晒救命，希望喺出面搵到有經驗嘅人做盲公竹，甚至有議員打趣咁話，話唔定未來會有更多無黨派議員會陸陸續續加入各大政團，「西瓜靠大邊」，利用大政團嘅資源去幫輕自己嘅工作。