24/04/2024 11:49
《魚缸博客》中芯(00981)築雙底,乘AI炒興現價可吼!
《魚缸博客》美國大選年對中國打壓無日無之,方方面面連番出招,晶片固然一大開刀範疇,但係百密總有一疏,呢兩日都有報道講到,任憑美國點樣限制晶片技術流向中國,中方藉由收購超微型電腦以及Dell產品,就可以攞到NVIDIA嘅高階AI晶片。 雖然客觀上係不利因素,但每次美國加新制裁條件,晶片股都會調轉炒,博客今日就睇中隻中芯(00981)。愈禁愈炒皆因睇好內需,孖屐睇好就算中芯唔賣出國,單靠境內需求都夠做。呢一點都錯唔曬,好似今日隻商湯(00020)咁,噚日就發布旗下AI大模型「日日新」嘅5﹒0版本,喺知識、推理、數學、代碼場景全面對標GPT-4 Turbo,簡單嚟講即係目前最常用嘅GPT-4嘅升級版,如果日日新已經進化到呢個程度,即係比起ChatGPT,日日新可能仲更先進。 而之前亦都有消息講到,因為中國境內用唔到ChatGPT,蘋果計劃將中國版iOS 18置入文心一言,為文心提供一大出路。 單靠呢兩大AI龍頭,晶片境內都已經見到有需求,中芯業務上必然會有支持。股價方面,中芯今個月再次見返2月低位大約14銀,形成雙底格局,而10天線亦有轉升跡象,預計雙底築成有望回升。初步上望頸線位大約17﹒5至17﹒8銀,市況如果繼續轉好,中線有望挑戰19至20銀水平,跌穿13﹒5銀止蝕。 《編者按》本欄搜羅即市傳聞,惟消息未經證實,《經濟通》亦不保證內容之準確性。
【你點睇】教育局最新初中教材提出應堅拒婚前性行為,你認為教材內容是否不合時宜?► 立即投票