《開市Ｇｏｏｄ　Ｍｏｒｎｉｎｇ》香江魚缸全日好淡爭持，日內波幅僅得百餘點，最終收市微升２１點，收報１７１１１點，成交進一步縮至７０３億銀，業績期都唔見撐得起大市。資金面薄弱下，魚缸易跌難升？短線２０天線阻力仍大？神州外商直接投資第二季淨撤出破紀錄，負債淨減１４８億美金，係歷來第二次錄得單季負值，上半年更轉錄負值。本身神州自１９９０年以來３３年均保持淨吸資，現恐中斷近３４年走勢。對中資背景公司佔多的魚缸而言影響有幾大？參考２０２３年第三季首錄單季負數，惟全年仍可力保不失，今年又有無條件下半年發力？要扭轉現況現遇甚麼阻力？　　至於三大中資電訊股漸被北水拋棄，由中移動（００９４１）開始到上周尾驚現中資電訊板塊全板流出。中移動業績雖過關，但部分營運數據如ＡＲＰＵ表現遜期，遭大行唱淡。以往一直憧憬５Ｇ需求會一直升但５Ｇ　ＡＲＰＵ（每戶每月話費）轉跌，反映５Ｇ需求已見頂？６Ｇ則仍在投資期，中間嘅５﹒５Ｇ又能緩和市場對更高階網絡嘅需求嗎？中聯通（００７６２）及中電信（００７２８）兩隻過去盈利波動較中移動高嘅電訊股，股價由高位計跌幅更大，已先行反映內地對６Ｇ╱ＡＩ應用嘅憂慮？近日花旗國嘅科技巨頭因為投放ＡＩ嘅資本開支大而在績後捱沽，咁神州企業又要投放幾多資金喺ＡＩ呢？黃師傅又點睇？　　聽日（１３日）《開市Ｇｏｏｄ　Ｍｏｒｎｉｎｇ》搵嚟輝立證券董事黃瑋傑，同大家分析上述股份及大市走勢！歡迎大家提問投資及其他股票問題。記得準時８：５５ａｍ，昅實《經濟通》ＮｅｗｓＴＶ直播節目－－《開市Ｇｏｏｄ　Ｍｏｒｎｉｎｇ》喇！或者ｃｌｉｃｋ入嚟ｈｔｔｐｓ：╱╱ｗｗｗ﹒ｙｏｕｔｕｂｅ﹒ｃｏｍ╱ｗａｔｃｈ？ｖ＝ｎＴｑＱＩＷ８ｃＳ０Ｉ打個卡先又得！

【etnet 30周年】多重慶祝活動一浪接一浪，好禮連環賞！ ► 即睇詳情