08/08/2024 16:40
《開市Good Morning》溫鋼城明講大市、地產股業績
《開市Good Morning》外圍孖屐係今星期焦點之一,雖然日本央行官員出口術,指市況不穩定下唔會加息,不過日本央行7月議息紀錄顯示,部分委員認為有必要繼續加息,日股連升兩日後再度調整,對日圓拆倉持續到幾時,大行之間都有分歧,應如何判斷後續影響? 香江魚缸繼續悶市,萬七關仲係頂住頂住,雖然上破唔到,但下方16700點呢幾日都守得住,下星期三有騰訊(00700)、阿里(09988)及京東(09618)等重磅藍籌出業績,可以為大市帶來突破嗎? 太古地產(01972)上半年純利近18億元按年跌逾一成九,基本溢利38﹒6億,按年跌1﹒1巴仙,派第一次中期息3毫4,增加3巴仙,亦計劃進行15億股份回購計劃。業績大數表現冇意外驚喜,但股價抽升一成一,主要都係因為市況不明朗下,仍然進行股份回購,派息亦有增加,叫做派咗粒定心丸俾孖屐? 周五(9日)《開市Good Morning》請來iFAST Global Markets投資總監溫鋼城,同大家分析上述股份、大市走勢,當然唔少得分析其他焦點股份!歡迎大家提問投資及其他股票問題。記得準時8:55am,昅實《經濟通》NewsTV直播節目--《開市Good Morning》喇!或者click入嚟https:╱╱www﹒youtube﹒com╱watch?v=daBUnxPD4_8 打個卡先又得!
【你點睇】工聯會調查指外勞輸入政策影響漸現,多個行業失業比例較高,促暫停輸入外勞,你是否認同?► 立即投票