《魚缸博客》被譽為今年期待度最高嘅劇集《慶餘年》第二季啱啱播完大結局，總共都係３６集，５月中開始播，有唔少中港觀眾都話等咗５年，睇得嗰大半個月真係唔係好夠喉，大結局一播完就已經敲碗要追第三季。　　《慶餘年２》作為大熱ＩＰ續集，登陸香港無耐嘅Ｄｉｓｎｅｙ＋成功搶到本地獨家播映權之後，就開衡ｔｕｒｂｏ宣傳，喺多個港鐵站嘅燈箱都會見到Ｄｉｓｎｅｙ＋為《慶餘年２》落嘅廣告，就算無睇過第一季，老是常出現嘅程度都會令人想睇一睇。而唔少數據都反映到《慶餘年２》嘅熱度，開播當日第一集播放量就有成４１３１萬，據專門觀測電視劇播放熱度嘅ｖｌｉｎｋａｇｅ數據顯示，《慶餘年２》播放指數高達９１﹒９６，成為近三年陸劇播放指數第四位。　　《慶餘年２》大熱，相關持份者都可借東風水漲船高。其中閱文（００７７２）都係央視之外嘅製作公司之一，大結局過後，相關熱有望喺短期內逐步浮面。上個月閱文創下３３﹒５銀嘅九個月高位，隨後反覆回落，近個幾禮拜喺２６銀附近搵到支持，短線想炒「慶餘年概念」不妨趁而家入手，先望第一站３０銀，過後再挑戰３２銀阻力！　《編者按》本欄搜羅即市傳聞，惟消息未經證實，《經濟通》亦不保證內容之準確性。

《說說心理話》關於「沉迷成癮」：點預防同戒甩鋪癮？最重要改變一樣嘢！追星都算成癮？► 即睇