26/03/2024 16:37
《開市Good Morning》熊麗萍分析大市、業績股
《開市Good Morning》香江魚缸續於百天線上下爭持,本周假期前夕,只淨返兩個交易日,魚缸明顯仲未有方向,業績期本周亦嚟到尾聲,似乎孖屐都只係炒股唔炒市,本月季結重上16800至17000點水平結算,機會有幾大? 業績股方面,安踏(02020)全年純利按年升近三成半%至102﹒4億銀,經調整純利增加四成半,期內收益按年升16巴仙,再創新高,毛利率升2﹒4個百分點至62﹒6巴仙,派末期息1﹒15港銀,增近六成,股價績後曾創逾4個月高,算係多隻體品股之中,基本面及股價表現比較好嘅一隻?股價暫突破76至82銀橫行區,若再上望則可睇85銀? 車企龍頭比亞迪(01211)將會放榜,早在一月底時已經發布盈喜,預期去年全年純利最多升86﹒5巴仙至310億人仔,不過就略差過市場普遍預期嘅315億人仔,比亞迪過去一個月累升近一成半,業績前股價於今年高位上落,績後驚「見光死」,要適時沽貨離場嗎? 聽日(27日)《開市Good Morning》搵嚟資深財經分析師熊麗萍,同大家分析上述股份、大市走勢,同埋當日嘅焦點股!歡迎大家提問投資及其他股票問題。記得準時8:55am,昅實《經濟通》NewsTV直播節目--《開市Good Morning》喇!或者click入嚟 https:╱╱www﹒youtube﹒com╱watch?v=ttDyJCQpoP4打個卡先又得!
【與拍賣官看藝術】常玉作品屢創天價,背後其實藏著跌宕起伏的人生► 即睇