• 恒指
  • 19,753
  • -112
  •  大市成交 1,429億
  • 期指(夜)
  • 19,742
  • -43
  • 低水11
  • 國指
  • 7,152
  • -29
  • 紅籌
  • 3,689
  • -26
  • 科指
  • 4,439
  • -29
  • 上證
  • 3,370
  • -12
  •  成交 5,591億
19/12/2024 17:15

《小傳日記》失蘋果者失天下,百度文心一言遭遇滑鐵盧?

  《小傳日記》魚缸今朝受累減息預期大跌而低開,隨後意外有啲回升力度,反映都仲算係觀望期而唔係悲觀期。而魚缸今日都有搵嘢炒吓,今日就開中AI同量子概念。   今朝《路透》報話蘋果近期正係同QQ(00700)同字節跳動傾緊將兩公司嘅AI整合到內地版iPhone,但係討論仍然非常早期,係咪成真都未知。但QQ股價未出發先興奮,晏晝起倒升最多3%報喜。而孖屐最關注嘅係蘋果明明同百度(09888)傾開,仲以為文心一言會成為神州AI大模型嘅贏家添,點解蘋果決定半路轉舵呢?   之前外媒就報道,其中一個分歧係蘋果嘅私隱政策唔允許收集使用AI功能嘅用戶數據,但百度就希望可以保留並且分析呢一部分數據。呢篇報道今個月初推出,到今日就傳蘋果已經快人一步接洽QQ同抖音。亦難怪百度對用戶數據嘅渴望,百度文心一言上線就快一年,呢年來都無乜再有消息流出,假如表現真係咁好百度應該搶著公布,但似乎蘿蔔快跑嘅曝光率仲高過文心,就知文心成績曳曳哋。AI大模型最需要學習,無人用嘅話基本上學習都慢得多,百度要收集用戶數據明顯就係想為文心提供更多素材,學李彥宏話齋,神州同胞願意用隱私換便利,但蘋果呢啲外國大廠就唔係咁諗,用戶私隱又點可以隨便轉交呢。   至今三間涉事公司都無正式回應,即係有傾都未算落實,但蘋果咁樣扭一扭,即刻攞返個主動權,話畀百度聽而家係我揀你唔係你揀我。而百度到口嘅肥豬肉跌返出嚟,股價都即時反映要跌4%。實際上百度跌跌不休,嚟香江上市以來基本上係無升過,但如果而家無咗蘋果呢條救命稻草,可能好快就會失去國內AI龍頭嘅地位。   事實證明AI行業真係不進則退,兩大龍頭百度同商湯(00020)過去一年都無乜作為,逐漸就被後上嘅同行趕上,假如百度唔能夠開花結「果」,之後就惟有靠無人駕駛方面食糊,請請! *編者按:本欄搜羅即日熱門傳聞,惟消息未經證實,《經濟通》亦不保證內容之準確性;本文只供參考之用,並不構成要約、招攬或邀請、誘使、任何不論種類或形式之申述或訂立任何建議及推薦,讀者務請運用個人獨立思考能力自行作出投資決定,如因相關建議招致損失,概與《經濟通》、編者及作者無關。

【香港好去處】etnet全新頻道盛大推出!全港最齊盛事活動資訊盡在掌握!► 即睇

備註︰

即時報價更新時間為 19/12/2024 17:59

港股即時基本市場行情由香港交易所提供; 香港交易所指定免費發放即時基本市場行情的網站

權證
即時報價
全文搜索
Search
最近搜看
大國博弈
貨幣攻略
More
Share