《開市Ｇｏｏｄ　Ｍｏｒｎｉｎｇ》香江魚缸終止六連跌。恒指高開１６９點後升幅曾擴大至逾３５０點，之後升幅明顯縮窄，仲未上得返５０天線（１９８７８），最終收升１５０點，始終連跌左６日，大市稍作反彈都好正常？但以目前形勢嚟睇，後市向下走機會較大？　　　上周五（１５日）中證監發布《上市公司監管指引第１０號－市值管理》，要求上市公司以提高公司品質為基礎提升經營效率和盈利能力，合規運用並購重組、股權激勵、現金分紅等方式，推動上市公司投資價值，合理反映公司質量。一眾估值較低股份，如內銀股、基建股有炒作，惟只係借消息短線反彈？　　　小米（０１８１０）將公布第三季業績，孖屐預期收入９０４億人仔，按年升逾兩成七，純利４８﹒７億元，升近２巴仙，經調整純利料跌１﹒４巴仙。當中，孖屐預期手機收入只係增長一成二，料去年同期高基數因素影響手機業務表現？　　　聽日（１９日）《開市Ｇｏｏｄ　Ｍｏｒｎｉｎｇ》搵嚟輝立證券董事黃瑋傑，同大家分析上述股份及大市走勢！歡迎大家提問投資及其他股票問題。記得準時８：５５ａｍ，昅實《經濟通》ＮｅｗｓＴＶ直播節目－－《開市Ｇｏｏｄ　Ｍｏｒｎｉｎｇ》喇！或者ｃｌｉｃｋ入嚟ｈｔｔｐｓ：╱╱ｗｗｗ﹒ｙｏｕｔｕｂｅ﹒ｃｏｍ╱ｗａｔｃｈ？ｖ＝ＡｙｘＹｎｏｑｒｎｗ８打個卡先又得！

《說說心理話》心理急救II：幾個徵兆辨認身邊人需要心理支援！點樣對情緒進行急救、自我照顧？專家分享穩定情緒小練習► 即睇