17/04/2024 16:40
《開市Good Morning》林家亨講人民幣、大市、港交所
《開市Good Morning》花旗聯儲局主席鮑爺突然「放鷹」,改口話高利率政策應維持更長時間,雖然震唔散美股三大指數,不過就大力推高美元同美債息,其他非美貨幣急挫,當中人仔繼早前離岸價格失守7﹒28後,中間價都低見7﹒1水平。雖然有分析話官方願意容忍人仔有較大貶值空間,但依家內外部因素都不利,要推升返人仔仲欠缺咩條件?至於香江魚缸今日再試低位,殺曬16200-16299的重貨牛後,全日繼續在16200水平徘徊,不過就算守到16000甚至16100水平,都唔表示呢一波調整已完,後市要重上咩水平先算「安全」? 港交所(00388)下星期就出季度業績,多間大行都一致睇淡,都無計嘅,首季IPO於全球排名跌至第10位,日均成交又減少,喺市況未轉好的情況難有起色?無貨朋友都要睇定D先?至於新能源車企苦陷減價戰之餘,可能又要面對美方制裁。花旗貿易代表戴琪表示,已非常接近完成就神州商品現行關稅的審核,當中就包括電動汽車,一旦成事對神州車企影響有多大? 聽日(18日)《開市Good Morning》搵嚟國農證券董事總經理林家亨,同大家分析上述股份、大市走勢,當然唔少得當日嘅焦點股!歡迎大家提問投資及其他股票問題。記得準時8:55am,昅實《經濟通》NewsTV直播節目--《開市Good Morning》喇!或者click入嚟https:╱╱youtube﹒com╱live╱xBBBPzVpU3U打個卡先又得!
【你點睇】烏軍攻入俄國庫爾斯克州近兩周,並炸毀兩座重要橋樑,你認為俄烏戰爭會否急劇惡化?► 立即投票