20/08/2024 12:04
《魚缸博客》《黑悟空》首日開賣犀利,騰訊捉到鹿會唔會脫角?
《魚缸博客》呢個月Game界大事,就係隻《黑神話:悟空》正式係8月20日上線開賣,係Steam平台顯示,一般版賣298,數位豪華版賣398,目前Steam平台係「極度好評」,聽聞首日下載已經令到好多社區網絡癱瘓咁際,真係犀利。 其實好少電腦平台Game有咁大氣勢,之前因為「SWEET BABY事件」(大家可以自行搜尋),已經免費為呢隻GAME宣傳一波,而家開賣直接「一人一GAME」。據聞呢間遊戲公司「遊戲科學」係騰訊前員工一齊出來搞,後來2021年騰訊都有分直接投資,不過投資幾多就唔清楚。 騰訊近年來都係靠遊戲收入支持半壁江山,但好多遊戲已經玩到悶,之前好似「王者榮耀」、「食雞」咁,後作都無以為繼。而家見到隻《黑悟空》咁犀利,唔知騰訊捉到鹿會唔會脫角? 騰訊近期股價都係浮沉係370元咁上下,如果真係炒呢波間接關係,可能試下買騰訊輪╱牛可能來得比較划算,有睇博客今日呢篇文,可以試下玩小小,分分鐘可以炒上頂! 《編者按》本欄搜羅即市傳聞,惟消息未經證實,《經濟通》亦不保證內容之準確性。
【慎防受騙】偽冒《經濟通》投資群組頻現,切勿誤信騙徙,如有疑問,請循官方渠道查詢► 了解詳情