16/07/2024 16:51
《開市Good Morning》熊麗萍分析平保、小米
《開市Good Morning》香江魚缸繼續弱勢,跑輸亞洲區內其他孖屐,裂口下跌至第二日,兩日合計跌超過560點,跌幅超過3巴仙,50天線前有明顯阻力,而家市況似係預先反映緊對神州三中全會未有明確刺激經濟措施出台嘅失望情緒?孖屐預計三中全會其中一個討論重點係推出消費稅改革。但係神州現時消費降級情緒並未降溫,若將奢侈品同高檔商品納入消費稅改革範圍,豈不進一步打擊消費意欲?此方面改革似乎捉錯用神。另外孖屐亦關注今次會議,可能會提到加強新質生產力範疇發展。要成功做到產業鏈同供應鏈升級,需要具備咩條件?現時神州有具備所需條件嗎? 藍籌平保(02318)宣布發行35億美金可轉換債券,較上日溢價大約兩成一,拖累平保股價跌半成。不過價殘亦都冇阻大行睇好,認為平保中期業績穩健,現時趁低位買入博反彈獲利空間又有幾大?但係同時又擔心發CB會引致潛在攤薄風險,Conita又點睇?而且平保基本面唔算特別好,現時仲要大舉發債,反映公司有重大資金需求,今日跌勢反映晒短線負面因素未呢?呢個舉動會唔會進一步引起市場信心退卻? 轉睇吓,小米集團(01810)宣布今個星期五(19日)將會發布新一代摺疊屏手機「小米MIX Fold4」,集團CEO雷軍亦會同時進行年度演講。現時小米除咗自身主打嘅手機同家電之外,仲要顧及新能源車發展,要維持手機出貨量嘅高增長速度,又會唔會受到阻礙?過往雷軍嘅年度演講一般定係8月份,今年罕有提前到7月中就舉行,係咪有啲咩戰略考量? 周三(17日)《開市Good Morning》搵請來資深財經分析師熊麗萍,同大家分析上述股份、大市走勢,以及即日日焦點股!歡迎大家提問投資及其他股票問題。記得準時8:55am,昅實《經濟通》NewsTV直播節目--《開市Good Morning》喇!或者click入嚟https:╱╱www﹒youtube﹒com╱watch?v=33ODUJPCbgk 個卡先又得!
【慎防受騙】偽冒《經濟通》投資群組頻現,切勿誤信騙徙,如有疑問,請循官方渠道查詢► 了解詳情