外圍孖屐震盪，香江魚缸過去兩日共跌逾320點後，周四再創三個月新低，午後曾經穿埋萬七心理關口，收市險守17000關，跌市下成交回升。惟魚缸繼續下試低位機會大，唔排除要下移至16600至16800點區間搵支持？恒指由本月高位18317點已回調約1300點，今輪調整浪見咗底未？
　　人民銀行出乎意料，1個月內第2次開展中期借貸便利(MLF)操作，最新進行2000億元1年期MLF操作，中標利率為2.3厘，下調20基點。若以存款本金10萬銀人仔為例，一年期定期存款每年利息都只係減少100銀人仔，對經濟、提振借貸嘅作用效果相對有限？內銀股盤中由升轉跌，開始有獲利盤出現？北水最中意嘅建行(00939)同工行(01398)，又可以趁回調吸納嗎？
　　亞洲時段開市後，現貨金價忽然急插，反映投資者於高位平倉獲利？一眾金礦股跌得更深，紫金(02899)調整幅度更逾半成，相關股份短期宜觀望？
　　周五(26日)請來iFAST Global Markets投資總監溫鋼城，同大家分析上述股份、大市走勢，當然唔少得分析其他焦點股份！歡迎大家提問投資及其他股票問題。記得準時8:55am，昅實《經濟通》NewsTV直播節目--喇！或者click入嚟https://www.youtube.com/watch?v=uFzEkz-SuRI　打個卡先又得！

【說說心理話】賽馬會友「伴」同盟計劃：提供免費上門照顧長者服務，讓照顧者唞唞氣！► 即睇