《魚缸博客》呢期中芯國際（００９８１）獲內地資本日日狂炒，Ａ股炒貴晒就南下炒Ｈ股，究竟仲可以炒幾遠同炒幾耐呢？博客同大家分析下。　　而家中芯最穩定產品就係８納米同１２納米晶片，基本上呢兩個製程對於一般電子產品、汽車應用已經夠凸有餘，但對於手機來講，喺２０２４年就應該唔夠用；關鍵係近呢一個月新聞，就係有傳中國喺光刻機研發上，已經表示可以製作８納米以下嘅晶片，其實已經好大突破。　　俾個對標大家，蘋果最新ｉＰｈｏｎｅ１６，用自己設計Ａ１８晶片，由台積電代工，製程３ｎｍ，即係話要做到２０２４年可以用到５Ｇ嘅手機，就起碼要用到３ｎｍ晶片先得，而中芯要追上呢個制程係咪好遠？確實係；但係咪真係追唔到？未必係，只係中美之間製程差距，可能係由１０年縮減至５年咁上下。　　不過你識進步時候，人地都會繼續跑，遽聞台積電已經開始量產「埃米」（ａｎｇｓｔｒｏｍ）製程，單位係Ａ，１個Ａ係１╱１０個ｎｍ（納米），所以未來芯片每個晶體係越來越細，摩爾定律真係可能已死。　　中芯國際目前技術卡係光刻機呢方面，只要突破到８ｎｍ，一切都好辦。相信股價短期內會繼續有炒作，對上次都炒到３５﹒５蚊，如果中芯低於３０蚊的話都可以建議繼續增持，而股價催化劑就係中國光刻機幾時唔俾人卡頸，或者自己搵突破啦。　《編者按》本欄搜羅即市傳聞，惟消息未經證實，《經濟通》亦不保證內容之準確性。

【你點睇】港鐵失倫敦伊利沙伯線專營權，你認為「國際化」遇挫的港鐵應否將重心轉移回本地？► 立即投票