《開市Ｇｏｏｄ　Ｍｏｒｎｉｎｇ》花旗聯儲局主席鮑爺突然「放鷹」，改口話高利率政策應維持更長時間，雖然震唔散美股三大指數，不過就大力推高美元同美債息，其他非美貨幣急挫，當中人仔繼早前離岸價格失守７﹒２８後，中間價都低見７﹒１水平。雖然有分析話官方願意容忍人仔有較大貶值空間，但依家內外部因素都不利，要推升返人仔仲欠缺咩條件？至於香江魚缸今日再試低位，殺曬１６２００－１６２９９的重貨牛後，全日繼續在１６２００水平徘徊，不過就算守到１６０００甚至１６１００水平，都唔表示呢一波調整已完，後市要重上咩水平先算「安全」？　　港交所（００３８８）下星期就出季度業績，多間大行都一致睇淡，都無計嘅，首季ＩＰＯ於全球排名跌至第１０位，日均成交又減少，喺市況未轉好的情況難有起色？無貨朋友都要睇定Ｄ先？至於新能源車企苦陷減價戰之餘，可能又要面對美方制裁。花旗貿易代表戴琪表示，已非常接近完成就神州商品現行關稅的審核，當中就包括電動汽車，一旦成事對神州車企影響有多大？　　聽日（１８日）《開市Ｇｏｏｄ　Ｍｏｒｎｉｎｇ》搵嚟國農證券董事總經理林家亨，同大家分析上述股份、大市走勢，當然唔少得當日嘅焦點股！歡迎大家提問投資及其他股票問題。記得準時８：５５ａｍ，昅實《經濟通》ＮｅｗｓＴＶ直播節目－－《開市Ｇｏｏｄ　Ｍｏｒｎｉｎｇ》喇！或者ｃｌｉｃｋ入嚟ｈｔｔｐｓ：╱╱ｙｏｕｔｕｂｅ﹒ｃｏｍ╱ｌｉｖｅ╱ｘＢＢＢＰｚＶｐＵ３Ｕ打個卡先又得！

《說說心理話》：講講常見年輕人理財問題！想「人有我有」？認可理財社工分享理財觀念小秘訣！► 即睇