《開市Ｇｏｏｄ　Ｍｏｒｎｉｎｇ》香江魚缸今個星期出師不利，除咗因為花旗國非農就業人數增幅放緩、強化孖屐對聯儲局最早９月減息嘅押注之外，人行又出奇招，拖累神州及香江魚缸。香港魚缸收跌２７５點，報１７５２４點，成交得８００幾億銀，認真濕滯。當中航運股跌勢驚人，東方海外（００３１６）收跌超過６巴仙，另外，比亞迪電子（００２８５）都跌超過半成。魚缸日內連２５０天線都失守過，若果進一步退守至１７４００點水平，同時亦都會低過黃金比例回調０﹒６１８倍，而且成交未回勇，三中全會又未到，暫時仍然未有利好催化劑，魚缸仍然以整固為主？　　影響魚缸因素當然唔少得神州政策，神州六大部門祭出１７項舉措，對中資背景佔多嘅香江魚缸而言，影響程度有幾大？主要係中資金融股受累，定係成個孖屐都會受到影響？三中全會不宜期望過高？現時托市工具買少見少，已經由數量型工具轉向價格型工具？　　至於中特估方面，中資電訊股仍然係孖屐關注點。眼見三隻中資電訊股都已經重返２０１９年，甚至２０１５年嘅水平，究竟邊一隻最具財息兼收潛力？即使話行業鬥快６Ｇ趕上岸，不過現階段最受惠嘅未必係電訊股，反而係電子設備股？　　聽日（９日）《開市Ｇｏｏｄ　Ｍｏｒｎｉｎｇ》搵嚟輝立證券董事黃瑋傑，同大家分析上述股份及大市走勢！歡迎大家提問投資及其他股票問題。記得準時８：５５ａｍ，昅實《經濟通》ＮｅｗｓＴＶ直播節目－－《開市Ｇｏｏｄ　Ｍｏｒｎｉｎｇ》喇！或者ｃｌｉｃｋ入嚟ｈｔｔｐｓ：╱╱ｗｗｗ﹒ｙｏｕｔｕｂｅ﹒ｃｏｍ╱ｗａｔｃｈ？ｖ＝ＬＯＤ２ＸＥＹＧｐｒＵ打個卡先又得！

【你點睇？】民主派初選案，45名罪成被告判囚4年2個月至10年不等，你認為判刑是否具阻嚇作用？► 立即投票