13/05/2024 16:22
《開市Good Morning》黃瑋傑明分析大市、中電、騰訊
《開市Good Morning》香江魚缸事隔九個月重返19000點水平,收市更以近全日最高位,埋單升151點,收報19115點,成交逾1400億銀。點解魚缸咁把炮,除繼上星期已經傳緊考慮減免港股通股息稅外,仲有神州CPI連續三個月正增長及財政部討論超長期特別國債發行嘅利好撐市,魚缸呢輪嘅爬升屬直升機式、定係反覆震盪中上壘?不過都不可忽視潛在負面消息包括神州4月社融增量轉負、新增貸遜預期,同埋港交所不再披露北水實時交易數據。無咗實時數據,變相少咗「聰明錢」信號,會否對市場孖屐信心帶來影響?至於上月神州社融收縮近2000億元人仔,某程度上反映人行「重質不重量」? 中電(00002)今年第一期中期股息每股6毫3,按年持平;首季售電量增至72﹒8億度,按年升3﹒7巴仙。數據上反映到本地商業辦公室及商戶租賃需求並無好轉跡象,點解讀售電量仍有升幅?海外業務方面,EnergyAustralia發電組合業務改善,惟客戶首季減少,變相海外業務都有穩憂? 聽日放榜嘅騰訊(00700)就被大行普遍睇得較淡,主要因為高基數效應及新Game詖詖未獲批。過去幾次神州批新遊戲版號,騰訊通常都無份,反而網易(09999)就多次上榜。似乎國家新聞出版署大力防止行業龍頭壟斷,變相騰訊難復當年勇? 聽日(14日)《開市Good Morning》搵嚟輝立證券董事黃瑋傑,同大家分析上述股份及大市走勢!歡迎大家提問投資及其他股票問題。記得準時8:55am,昅實《經濟通》NewsTV直播節目--《開市Good Morning》喇!或者click入嚟https:╱╱www﹒youtube﹒com╱watch?v=6eG4MGVWRLI打個卡先又得!
【你點睇】烏軍攻入俄國庫爾斯克州近兩周,並炸毀兩座重要橋樑,你認為俄烏戰爭會否急劇惡化?► 立即投票