《魚缸博客》醫藥股近期似乎繼續有資金流入，因為近日第十批藥品國採報量目錄流出，包括第十批藥品國採共２６３個規格，涉及６２個品種，雖然官方未有正式承認，不過業內人士都表示肯定。　　另一方面，按照國家醫保局此前發布《２０２４年國家基本醫療保險、工傷保險和生育保險藥品目錄調整工作方案》，今年國家醫保目錄調整預計於９月至１１月完成談判╱競價階段並公布結果，相信短期內都會對醫藥股有支持。　　咁多隻醫藥股，博客又睇好邊隻呢？梗係翰森製藥（０３６９２）啦！　　翰森製藥主要關注於抗腫瘤、抗感染、中樞神經系統類疾病、代謝疾病及自身免疫性疾病等領域，呢一堆都係國家重點關注藥物名冊；而由今年２月開始，翰森股價開始反彈一倍有多，如果敢買都已經贏咗。　　華創證券發布研究報告稱，維持翰森製藥「推薦」評級，預計公司２０２４－２０２６年的營業收入分別為１２１﹒５５、１２４﹒３９和１４４﹒７０億元；歸母淨利潤為４２﹒５９、３９﹒４５和４６﹒６９億元，目標價為２５﹒４４港元。　　性價比而言，真係搵唔到一隻比翰森更高，唔好唔記得，佢歷史高位係４６﹒７銀，即係而家只有一半而已，今日高位明日低位就係呢種。　《編者按》本欄搜羅即市傳聞，惟消息未經證實，《經濟通》亦不保證內容之準確性。

【香港好去處】etnet全新頻道盛大推出！全港最齊盛事活動資訊盡在掌握！► 即睇