《開市Ｇｏｏｄ　Ｍｏｒｎｉｎｇ》香江魚缸窄幅上落，全日高低波幅只有約２５０點。日內曾上試１０天線（約２０６３７點）但無功而還，收市微升２０點，報２０４９８點。神州推出組合拳救市後，暫時未見再有具體細節公布，孖屐亦觀望政策成效幾時反映喺數據上，喺呢段空窗期入面，料魚缸繼續於兩萬至兩萬一之間徘徊？　　中移動（００９４１）首三季純利１１０９億元人仔，按年增長逾半成，ＥＢＩＴＤＡ減少２巴仙，營運收入按年增長２％，但期內平均每月每戶收入（ＡＲＰＵ）跌３巴仙。受神州宏觀經濟疲弱影響下，預料ＡＲＰＵ會持續向下？　　核電股近期有炒作，花旗國大型科企相繼投資核電，核電發展仲有增長空間？行業龍頭中廣核礦業（０１１６４）收升近兩成，兼有大成交配合，短期走勢可維持強勢？　　明天（２３日）《開市Ｇｏｏｄ　Ｍｏｒｎｉｎｇ》請來資深財經分析師熊麗萍，同大家分析上述股份、大市走勢，以及即日焦點股！歡迎大家提問投資及其他股票問題。記得準時８：５５ａｍ，昅實《經濟通》ＮｅｗｓＴＶ直播節目－－《開市Ｇｏｏｄ　Ｍｏｒｎｉｎｇ》喇！或者ｃｌｉｃｋ入嚟ｈｔｔｐｓ：╱╱ｗｗｗ﹒ｙｏｕｔｕｂｅ﹒ｃｏｍ╱ｗａｔｃｈ？ｖ＝Ｏｍ８ｓＹ３ＦｓＯＺｃ打個卡先又得！

【你點睇？】政府委任王冬勝明年起接任港大校委會主席，現任主席王沛詩不獲續任，五名年底任期屆滿的校委將全數換人，你對新任命是否滿意？► 立即投票