《開市Ｇｏｏｄ　Ｍｏｒｎｉｎｇ》香江魚缸連跌兩日，今日（２２日）反覆低收２５點，收報１９１９５點，成交亦縮至１２６６億銀，唔通北水對魚缸嘅熱情已到水尾？時機上魚缸又好似有隱憂！阿爺近期接連出招救內房，好似咩招都已出盡出，若政策真空期間無新嘅利好消息跟尾，恐怕要等到７月嘅神州三中全會先有新憧憬？若投資者近期未走得切貨，短線已失去逃生機會？　　宣布夥拍高通微軟推出新ＡＩ電腦嘅聯想（００９９２），會唔會受到ＡＩ行業減價戰拖累？孖屐對聯想新產品嘅期望大嗎？績前股價已急彈逾一成二，已充分反映對ＡＩ電腦嘅憧憬？最怕花旗國仲未放棄對聯想嘅打壓同制裁，始終現正值花旗國大選年，聯想受靶係無可避免？　　小米（０１８１０）同樣聽日放榜，新能源車ＳＵ７因素未咁快反映喺首季業績上？主打嘅手機業務續推高端化，當中可能會面對咩困難？神州民眾消費降級，係限制小米續推高端化嘅一大阻力？新能源車同業小鵬（０９８６８）及蔚來（０９８６６）同推第二品牌進攻低價價位，孖屐細分化又能確保到車企先利嗎？　　聽日（２３日）《開市Ｇｏｏｄ　Ｍｏｒｎｉｎｇ》搵嚟國農證券董事總經理林家亨，同大家分析上述股份、大市走勢，當然唔少得當日嘅焦點股！歡迎大家提問投資及其他股票問題。記得準時８：５５ａｍ，昅實《經濟通》ＮｅｗｓＴＶ直播節目－－《開市Ｇｏｏｄ　Ｍｏｒｎｉｎｇ》喇！或者ｃｌｉｃｋ入嚟ｈｔｔｐｓ：╱╱ｗｗｗ﹒ｙｏｕｔｕｂｅ﹒ｃｏｍ╱ｗａｔｃｈ？ｖ＝ＩＧＹ－Ｍ－ｆ１－ｃ４打個卡先又得！

【與拍賣官看藝術】東南亞藝術市場是下一個熱點？一探各地獨特及吸引之處！► 即睇