22/04/2024 16:19
《開市Good Morning》黃瑋傑明講大市、港交所、車股
《開市Good Morning》香江魚缸今日裂口高開高走,日內最多升413點,高見16637點,一舉突破10、20同50天線;最終收市升287點,收報16511點,成交1005億銀。不過睇技術指標又唔算亮眼,魚缸掂到保歷加通道中軸後收窄升幅,相比之前1月底時至少都喺在中軸水平行咗幾日才回落;今次日內一掂中軸已無力承接,反映短線回升動力仍弱?「十個牛皮九個淡」,今次都唔例外? 港交所(00388)星期三(24日)就會放榜,大行一致唔睇好,仲話怕新股孖屐未有起色就難有水入。要魚缸成交大幅回升或新股孖屐規模回暖仍欠咩催化劑?各大行績前預測得咁淡,屬合理預期?港交所管理層正值更替,估計今年將難有太大改革動作?換言之亦難望有新托市措施出台?金融業裁員情況已持續一段時間,對港交所前景又有咩影響? 理想(02015)單日曾大插近一成嚇窒孖屐,行業減價戰已持續一段時間,照計對股價嘅影響有限,理想連續兩架新車「炒車」先係股價跳水主因?股價短線回升動力似乎欠奉,下級直望80蚊邊?4月以來,已有超40家車企、共128個車系進行降價或優惠調整,料車企進一步減價應戰陸續有嚟? 聽日(23日)《開市Good Morning》搵嚟輝立證券董事黃瑋傑,同大家分析上述股份及大市走勢!歡迎大家提問投資及其他股票問題。記得準時8:55am,昅實《經濟通》NewsTV直播節目--《開市Good Morning》喇!或者click入嚟https:╱╱www﹒youtube﹒com╱watch?v=8L_iSbRYIcg 打個卡先又得!提提大家,我哋由即日起已暫停喺Facebook直播,一齊集中喺YouTube交流互動,或者去etnet TV睇直播都得㗎!
【慎防受騙】偽冒《經濟通》投資群組頻現,切勿誤信騙徙,如有疑問,請循官方渠道查詢► 了解詳情