《魚缸博客》好似自從疫情之後，全世界人都一齊「放監」去旅行咁，咁你去旅行會揀邊間旅遊網站幫手買機票Ｂｏｏｋ酒店？相信大家成日都俾Ｔｒｉｐ﹒ｃｏｍ廣告洗版，事實上攜程集團（０９９６１）就係佢母公司。　　剛剛公司公布業績，截至６月底止錄得中期歸屬於公司淨利潤達８１﹒５億元人民幣，較去年同期升１０３﹒３％；收入則達２４６﹒７７億元人民幣，較去年同比升２０﹒７％；每股盈利１﹒９３元人民幣。此外，公司錄得第二季度歸屬於攜程集團股東的淨利潤為３８億元人民幣，相比去年同期６﹒３１億元人民幣增加約５倍；收入為１２８億元人民幣同比上升１４％。　　公司都解釋，因為飛機航班開始恢復正常，所以透過網站訂機票人數多左，收入升左。事實上，博客自己買機票訂酒店都係靠呢啲Ａｐｐ，比較過其他Ａｐｐ之後發現Ｔｒｉｐ﹒ｃｏｍ確實係優惠多小小，所以大家都走去搵佢買。　　今日公司股價裂口高開，升成一成一有多，暫時第一關阻力可能係４００蚊左右附近，博客建議，如果有興趣玩輪玩牛可能會開心小，畢竟股價去到３７０幾蚊，每手成本都幾高下，想炒波幅係時後啦！十一黃金周又就快到，中國人出遊數據可能會成為股價催化劑都唔定！　《編者按》本欄搜羅即市傳聞，惟消息未經證實，《經濟通》亦不保證內容之準確性。

【你點睇】港府本年度已錄逾2千億元赤字，有議員指或難符基本法力求收支平衡之規定。你認為當局應如何解決財政問題？► 立即投票