《開市Ｇｏｏｄ　Ｍｏｒｎｉｎｇ》香港魚缸今日先高後低，日內最多跌１８４點至１７４５１點，最終收市跌近１巴仙至１７４６９點，大市成交進一步縮減至８５８億銀。魚缸若果再度跌穿１００天線或者考驗２５０天線支持，１７３００點的雙底岌岌可危？外圍仲要擔心埋花旗國。若果畀特朗普再次當選總統，佢揚言將對神州加徵六成關稅，有經濟學家估計此舉會拖低神州經濟大約兩個百分點，同時對人仔衝擊非常大，相關影響可能係中美貿易戰時嘅三倍，Ｃｏｎｉｔａ又認為咁睇會否過分悲觀？短線仲有咩緩解人仔跌勢嘅措施？　　仲要擔心埋花旗國現任總統拜登退選，令聯儲局更確定９月開始減息，對一眾避險資產有咩影響。近期東瀛央行干預日圓步伐有變，對部署日圓有咩影響？作為全球最大黃金消費國嘅神州，上月海外黃金購買量下跌近六成至５８﹒９噸，係２０２２年５月以來最低，似乎神州嘅黃金需求目前呈周期性弱勢，預計需時幾耐先有望完成整固？新興市場央行嘅黃金需求又點睇？雖然仍然有需求，但金價高又會令買家卻步，下半內金市展望係點？　　股神巴菲特旗下巴郡再度減持比亞迪（０１２１１），上周二（１６日）以每股平均價２４６﹒９６銀出售１３９﹒５萬股，涉資３﹒４４億銀，最新持股量跌至唔夠半成，意味未來減持無需再披露。股神同比亞迪進入「明增暗沽」局面，豈不更難得知股神有否加速沽貨、變相更難評估對股價嘅影響？不過減到得返咁少持股，對股價而言算係少咗一份隱憂？　　周三（２４日）《開市Ｇｏｏｄ　Ｍｏｒｎｉｎｇ》搵請來資深財經分析師熊麗萍，同大家分析上述股份、大市走勢，以及即日日焦點股！歡迎大家提問投資及其他股票問題。記得準時８：５５ａｍ，昅實《經濟通》ＮｅｗｓＴＶ直播節目－－《開市Ｇｏｏｄ　Ｍｏｒｎｉｎｇ》喇！或者ｃｌｉｃｋ入嚟　ｈｔｔｐｓ：╱╱ｗｗｗ﹒ｙｏｕｔｕｂｅ﹒ｃｏｍ╱ｗａｔｃｈ？ｖ＝ＢＣｚｃ０－ｑＶＴ５８個卡先又得！

想要獨家投資理財Tips？即Like etnet 全新Facebook專頁► 立即讚好