《開市Ｇｏｏｄ　Ｍｏｒｎｉｎｇ》香江魚缸終於跟隨外圍股市造好，全日高開高走，並成功突破２５０天牛熊分界線（約１７２９５點），可算得上係轉勢訊號？惟上方５０天線（１７６１２點）及１００天線（１７６７５點）仍然阻力重重？　　科技股係升市功臣，當中京東系兩隻股份雙雙升逾８巴仙，係表現最好嘅兩隻藍籌，京東（０９６１８）第二季經調整純利按年升６９％，大勝預期，反映早前被孖屐低估？供應鏈管理及規模優勢成業績最大亮點？目前預期市盈率只得約６倍，可吸引部分長線資金重新部署？　　賭股陸續公布曬業績，當中永利（０１１２８）純利更按年大升１７﹒２倍，經調整ＥＢＩＴＤＡ升五成七，惟低基數效應下有明顯增幅無太大參考價值？銀娛（０００２７）績後增派中期股息至每股０﹒５元，派息方面有驚喜？賭股「一金一銀」分別反彈逾４巴仙及逾半成，屬技術性抑或可以確認股價已見底？　　下星期一（１９日）《開市Ｇｏｏｄ　Ｍｏｒｎｉｎｇ》搵嚟凱基投資策略部主管溫傑，同大家分析上述股份及大市走勢！歡迎大家提問投資及其他股票問題。記得準時８：５５ａｍ，昅實《經濟通》ＮｅｗｓＴＶ直播節目－－《開市Ｇｏｏｄ　Ｍｏｒｎｉｎｇ》喇！或者ｃｌｉｃｋ入嚟ｈｔｔｐｓ：╱╱ｗｗｗ﹒ｙｏｕｔｕｂｅ﹒ｃｏｍ╱ｗａｔｃｈ？ｖ＝ｑｙＨＷ３ＤｙｄｏｄＩ　打個卡先又得！