02/04/2024 16:43
《開市Good Morning》熊麗萍明講大市、濠賭股、油金
《開市Good Morning》香江魚缸假期後「復活」,日內一曾升465點、衝高至萬七點樓上;但高處不勝寒,收市升幅收窄至390點,收報16931點,成交1441億銀,足足成季無見過咁多!但萬七都腳軟,要向上突破3月中個阻力位約17200點水平,可能仲欠些推動力?國指近年一直走在魚缸前,但國指今日都6000點前止步,魚缸似乎都係同樣走勢? 蓮花城最新公布左賭收數字,上月賭收按年增逾五成三,但按月升幅唔算標青、都係升半成左右,Conita又點解呢份月度數據?永利澳門(01128)同美高梅中國(02282)恢復派息,竟然唔係孖屐較睇好嘅龍頭銀娛(00027)率先恢復派息,投資者「驚」定係「喜」居多?今次除咗兩賭企投資價值提升之餘,足以側面證明賭企以至行業嘅現金流狀況勝市場預測,值得持續跟進?不過見到各賭企都有意喺增長快、利潤佳嘅高端中場業務作更激烈競爭,相應投資嘅增加唔怕會影響EBITDA表現? 一般孖屐定律係美股升、美金就跌;美金升、金價就會跌,三者唔會同時間向上;但目前美股、美匯同金價都處於歷史高位,點樣解讀美股強勢但又需要黃金此避險商品?孖屐日益憂慮兩隻黑天鵝包括係花旗國經濟陷入嚴重滯脹危機、二係東瀛退出負利率政策後經濟惡化;現時以上兩點爆破風險有幾高?今年金價目標睇幾多?油價同樣強勢,比起金價嘅上升動力更強? 聽日(3日)《開市Good Morning》搵嚟資深財經分析師熊麗萍,同大家分析上述股份、大市走勢,同埋當日嘅焦點股!歡迎大家提問投資及其他股票問題。記得準時8:55am,昅實《經濟通》NewsTV直播節目--《開市Good Morning》喇!或者click入嚟 https:╱╱www﹒youtube﹒com╱watch?v=PznP3etNbio 打個卡先又得!
【你點睇】烏軍攻入俄國庫爾斯克州近兩周,並炸毀兩座重要橋樑,你認為俄烏戰爭會否急劇惡化?► 立即投票