《開市Ｇｏｏｄ　Ｍｏｒｎｉｎｇ》香江魚缸明明下晝都可以靠住神州魚缸發力由跌轉升，點知臨近尾市腳軟，最終收市轉跌唔夠１點，還原基本步收報１７５２３點，成交仍然未夠千億銀無睇頭。資金流入牛證同貼價熊證，走勢上亦都沿著下降通道反覆向下，由技術走勢同牛熊證街貨分布睇，魚缸短期內喺１７２００點至１７５００點上落，半天吊嘅機會較大？　　孖屐冇太多利好催化劑炒作下，就只能夠炒作有好消息嘅芯片、蘋果概念股撐住。不過魚缸全日升幅都唔算全面，升跌股份比率相若。如果魚缸升幅過分集中於電子或芯片行業，恐怕會步花旗國孖屐後塵，過分側重於某行業？香江魚缸同時又冇花旗國孖屐咁大嘅彈力，變相靠消息炒上嘅拉升動力只係屬於虛火？今日市況可能已反映虛火連一日都頂唔順！　　雖然芯片巨企ＡＳＭＬ嘅ＣＥＯ明言世界需要神州芯片，但係神州芯片技術又未及外圍芯片咁把炮，發展ＡＩ所需要嘅高速芯片未必係對標國產芯片？中芯國際（００９８１）同華虹半導體（０１３４７）股價都已經呈中期上升軌道、跑贏大市，利好因素係咪已經充分反映晒喺股價上？而蘋果概念股亦都因為新手機備貨指引略有上調帶動，今日表現亮麗。不過換機始終有完結嘅一日，當產品升級至一定水平之後，對新產品嘅需求就會降低，變相想嚐新品紅利就要趁快？　　周三（１０日）《開市Ｇｏｏｄ　Ｍｏｒｎｉｎｇ》搵請來資深財經分析師熊麗萍，同大家分析上述股份、大市走勢，以及即日日焦點股！歡迎大家提問投資及其他股票問題。記得準時８：５５ａｍ，昅實《經濟通》ＮｅｗｓＴＶ直播節目－－《開市Ｇｏｏｄ　Ｍｏｒｎｉｎｇ》喇！或者ｃｌｉｃｋ入嚟ｈｔｔｐｓ：╱╱ｗｗｗ﹒ｙｏｕｔｕｂｅ﹒ｃｏｍ╱ｗａｔｃｈ？ｖ＝ａ６ｗｎＯｔｂｚｕＮ０　個卡先又得！

想要獨家投資理財Tips？即Like etnet 全新Facebook專頁► 立即讚好