《開市Ｇｏｏｄ　Ｍｏｒｎｉｎｇ》香江魚缸未能成功十一連升，今日（７日）最終回吐約百點收市，收報１８４７９點。魚缸升反彈咁耐、都已踏入技術性牛市，而家屬健康調整？短線調整到咩位有較大支持？若只係短線回調，呢輪牛市仲有幾多持續性同上升空間？近期有多項推升大市因素，包括資金回流、估值吸引及政策預期轉強，邊項因素嘅推動力及延續性較強？　　孖屐擔心神州陷通縮、影響民眾消費力，阿爺出手調高公共服務收費，希望實現「溫和再通脹」。但要點先平衡到「消費通縮」同「公共開支通脹」？要實現「溫和再通脹」難度有幾高？參考東瀛經濟雖經歷「迷失３０年」，但公用事業仍能逆周期持續提價，神州同香江魚缸中嘅公用股同樣有條件會營造結構性牛市？　　鋁業股近期表現強勢，加上近日有色金屬有個別消息，帶動部分金屬礦物股炒起。一旦花旗國落實加徵金屬進口關稅，對魚缸鋁業股影響有幾大？銅同屬市場焦點，印刷電路板（ＰＣＢ）同銅價相關，發展人工智能（ＡＩ）提振需求，變相銅價仲有上升空間？港股銅業股又有無投資價值？龍頭建滔集團（００１４８）股價見底回升後，可迎來新一波升浪？　　聽日（８日）《開市Ｇｏｏｄ　Ｍｏｒｎｉｎｇ》搵嚟資深財經分析師熊麗萍，同大家分析上述股份、大市走勢，同埋當日嘅焦點股！歡迎大家提問投資及其他股票問題。記得準時８：５５ａｍ，昅實《經濟通》ＮｅｗｓＴＶ直播節目－－《開市Ｇｏｏｄ　Ｍｏｒｎｉｎｇ》喇！或者ｃｌｉｃｋ入嚟　ｈｔｔｐｓ：╱╱ｗｗｗ﹒ｙｏｕｔｕｂｅ﹒ｃｏｍ╱ｗａｔｃｈ？ｖ＝ｓＣｒｏＬ６ｙ５ＰＫｏ　打個卡先又得！

【香港好去處】etnet全新頻道盛大推出！全港最齊盛事活動資訊盡在掌握！► 即睇