02/05/2024 16:44
《開市Good Morning》溫鋼城分析大市、渣打業績
《開市Good Morning》香江魚缸今年以來第一次企穩萬八收市!恒指5月開局頭幾日,走勢都係繼續偏強,暫時連續三日企穩250天牛熊線,就算喺北水缺席下,成交都仲過千億,目前魚缸可以話係處於「牛一」嗎?今個月走勢繼續向好?板塊部署方面,之前炒起個浸、主打穩健之選嘅中特估,包括中移動(00941)、中石油(00857)今日都要回調,反而係增長型為主嘅科技股近期升勢比較明顯,短線係咪要換馬部署? 上日恒指有得升,重磅銀行股功不可沒,出咗業績嘅渣打(02888),首季稅前基本溢利增長兩成半至21億銀,好過預期,除稅前列帳基準溢利增長近6巴仙至19億銀,不過大行就挑剔渣打資本表現疲弱,期內普通股權一級資本比率為13﹒6巴仙,較預期低20個基點,但無阻渣打股價升近6巴仙,股價升到呢啲位又可以點部署? 聽日(3日)《開市Good Morning》搵嚟iFAST Global Markets副總裁溫鋼城,同大家分析上述股份、大市走勢,當然唔少得分析其他焦點股份!歡迎大家提問投資及其他股票問題。記得準時8:55am,昅實《經濟通》NewsTV直播節目--《開市Good Morning》喇!或者click入嚟https:╱╱www﹒youtube﹒com╱watch?v=dBJIlP4q7VY 打個卡先又得!
【你點睇】工聯會調查指外勞輸入政策影響漸現,多個行業失業比例較高,促暫停輸入外勞,你是否認同?► 立即投票