《魚缸博客》話說今日市場焦點，就肯定係航運股，而航運股入面，隻東方海外（００３１６）又特別聚焦，主要兩大消息：１。截至２０２４年６月３０日止第二季度之總收入２２﹒６５億美元，按年增加１４﹒４％；２。暫時見到大和以及大摩唱淡。　　大摩表示，股價有７０％至８０％機會在未來６０日下跌。主要參考公司公布第二季營運數據溫和，但留意到運載力下降，可能受重整航線拖累，其中風險包括集裝箱航運市場氣氛見頂。　　大和發表報告，將東方海外目標價由１６０元下調至１１０元，評級由「買入」下調至「持有」，認為短期催化劑有限；另外上海出口集裝箱運價指數（ＳＣＦＩ）在十三個星期的升勢後開始回落，令投資者憂慮運費能否持續高企，因此該行認為東方海外股價的短期催化劑有限　　其實都唔難明白，自從疫情之後，飛機運輸開始慢慢復甦，所以船航運需求減少都正常，但係咪代表無咩發圍？博客又唔係咁睇，畢竟有地方係飛機運唔到，又或者必須要船航運先去到，例如紅海局勢問題、烏克蘭問題等等。　　點都好，博客都係建議先等股價回落先再入手，暫時睇，９０蚊相信會有唔錯支持，如果有興趣繼續看好呢一行，可以考慮到１００蚊開始，不停向下溝，相信９０蚊會有一定反彈力。　　《編者按》本欄搜羅即市傳聞，惟消息未經證實，《經濟通》亦不保證內容之準確性。

【香港好去處】etnet全新頻道盛大推出！全港最齊盛事活動資訊盡在掌握！► 即睇