《開市Ｇｏｏｄ　Ｍｏｒｎｉｎｇ》中東緊張局勢未再惡化，投資者觀望多間重磅科企業績，加上瑞銀調高中港股市評級至「增持」，香江魚缸今日都好有「睇頭」，以為又係一彈即散格局，點知全日愈升愈有，接近高位收市大升３００幾點，重返多條移動平均線之上之餘，仲上返１６８００水平。但後向仍然係似霧迷離，皆因走勢上出現「複式頭肩底」同「複式頭肩頂」，到底依家係「底」還是「頂」？定係仲係區間上落？　　講到升市功臣就不得不提一眾科技股，美團（０３６９０）升８巴仙，京東（０９６１８）升６巴仙，騰訊（００７００）都有４巴仙進帳，刷新左舊年１１月以來的新高，唔通真係「大牛市」將至，魚缸想組織個似樣Ｄ升勢都要靠科技股？問題係大家都跑贏大市，仲有幾多上望空間先，有貨會唔會建議食左先？　　中國平安（０２３１８）同中電信（００７２８）收市後齊齊放榜，同之前全年成績表唔同，依家市況明顯回暖，見光死機會大減？今次份季績又有咩亮點值得跟進？　　聽日（２４日）《開市Ｇｏｏｄ　Ｍｏｒｎｉｎｇ》搵嚟特許財務分析師陳鳳珠，同大家分析上述股份、大市走勢，同埋當日嘅焦點股！歡迎大家提問投資及其他股票問題。記得準時８：５５ａｍ，昅實《經濟通》ＮｅｗｓＴＶ直播節目－－《開市Ｇｏｏｄ　Ｍｏｒｎｉｎｇ》喇！或者ｃｌｉｃｋ入嚟ｈｔｔｐｓ：╱╱ｗｗｗ﹒ｙｏｕｔｕｂｅ﹒ｃｏｍ╱ｗａｔｃｈ？ｖ＝ＨｌＣ＿ｈＴｊｖａｑｏ打個卡先又得！提提大家，我哋由即日起已暫停喺Ｆａｃｅｂｏｏｋ直播，一齊集中喺ＹｏｕＴｕｂｅ交流互動，或者去ｅｔｎｅｔ　ＴＶ睇直播都得㗎！

《說說心理話》 消費能獲取快樂？買不起，不如花光錢錢$$？「習得性無助」有何影響？一起看看正確理財觀念。► 即睇