《開市Ｇｏｏｄ　Ｍｏｒｎｉｎｇ》香江魚缸在短短三個交易日升咗８０１點，今日回少少都好合理。指數高開後曾升近２００點，再創逾９個月高位，高見１９３００點水平。不過假期前夕明顯見到有缸邊友先行食糊，最終魚缸倒跌４１點收市。雖然魚缸收市企到１９０００點，但近乎全日最低位收市之餘，睇到９天ＲＳＩ開始回落，之後仲有幾強向上動力。有大行就話樂觀情況下個市可以上到２２０００點，但同時強調今次升市只係資金市，基本面無太大的改善？一有風吹草動，魚缸隨時回頭？　　香江業績期展開，龍頭科企騰訊（００７００）及阿里巴巴（０９９８８）率先於收市後派成績表，兩隻股份業績將有改善，但市場已經預料唔會有驚喜，績前短線累積升幅咁大，業績後未必再有動力推升股價，反而市場對其業績稍有不滿，就可能成為大市調整藉口？業績方面有咩需要注意？　　至於花旗國又出招，打算將神州進口電動車關稅加徵至超過１倍！但其實依家花旗國根本買不到神州製電動車，今次出招象徵意義大過實際意義？相信對新能源汽車股影響唔大？　　後日（１６日）《開市Ｇｏｏｄ　Ｍｏｒｎｉｎｇ》搵嚟國農證券董事總經理林家亨，同大家分析上述股份、大市走勢，當然唔少得當日嘅焦點股！歡迎大家提問投資及其他股票問題。記得準時８：５５ａｍ，昅實《經濟通》ＮｅｗｓＴＶ直播節目－－《開市Ｇｏｏｄ　Ｍｏｒｎｉｎｇ》喇！或者ｃｌｉｃｋ入嚟ｈｔｔｐｓ：╱╱ｗｗｗ﹒ｙｏｕｔｕｂｅ﹒ｃｏｍ╱ｗａｔｃｈ？ｖ＝ｇＧＴｚｈｑ９ｙ６ｒＭ　打個卡先又得！

【與拍賣官看藝術】東南亞藝術市場是下一個熱點？一探各地獨特及吸引之處！► 即睇