23/07/2024 16:54
《開市Good Morning》熊麗萍分析金價、比亞迪
《開市Good Morning》香港魚缸今日先高後低,日內最多跌184點至17451點,最終收市跌近1巴仙至17469點,大市成交進一步縮減至858億銀。魚缸若果再度跌穿100天線或者考驗250天線支持,17300點的雙底岌岌可危?外圍仲要擔心埋花旗國。若果畀特朗普再次當選總統,佢揚言將對神州加徵六成關稅,有經濟學家估計此舉會拖低神州經濟大約兩個百分點,同時對人仔衝擊非常大,相關影響可能係中美貿易戰時嘅三倍,Conita又認為咁睇會否過分悲觀?短線仲有咩緩解人仔跌勢嘅措施? 仲要擔心埋花旗國現任總統拜登退選,令聯儲局更確定9月開始減息,對一眾避險資產有咩影響。近期東瀛央行干預日圓步伐有變,對部署日圓有咩影響?作為全球最大黃金消費國嘅神州,上月海外黃金購買量下跌近六成至58﹒9噸,係2022年5月以來最低,似乎神州嘅黃金需求目前呈周期性弱勢,預計需時幾耐先有望完成整固?新興市場央行嘅黃金需求又點睇?雖然仍然有需求,但金價高又會令買家卻步,下半內金市展望係點? 股神巴菲特旗下巴郡再度減持比亞迪(01211),上周二(16日)以每股平均價246﹒96銀出售139﹒5萬股,涉資3﹒44億銀,最新持股量跌至唔夠半成,意味未來減持無需再披露。股神同比亞迪進入「明增暗沽」局面,豈不更難得知股神有否加速沽貨、變相更難評估對股價嘅影響?不過減到得返咁少持股,對股價而言算係少咗一份隱憂? 周三(24日)《開市Good Morning》搵請來資深財經分析師熊麗萍,同大家分析上述股份、大市走勢,以及即日日焦點股!歡迎大家提問投資及其他股票問題。記得準時8:55am,昅實《經濟通》NewsTV直播節目--《開市Good Morning》喇!或者click入嚟 https:╱╱www﹒youtube﹒com╱watch?v=BCzc0-qVT58個卡先又得!
【你點睇】工聯會調查指外勞輸入政策影響漸現,多個行業失業比例較高,促暫停輸入外勞,你是否認同?► 立即投票