《開市Ｇｏｏｄ　Ｍｏｒｎｉｎｇ》香江魚缸升勢不保，今早一開市已經失守萬六關及２０天線（１５９５５點），其後Ａ股跌幅加劇，拖累魚缸最多曾經跌過４２０點，低見１５６５４點，收市仍要跌逾３７０點，報１５７０３點。由上周一（２２號）低位１４７９４點，至今個星期一高位１６２５８點，累計已升近１５００點，今日回調係咪健康回調？　　神州春節臨近，攜程（０９９６１）數據顯示，截至１月下旬，２０２４年春運入境遊機票，預訂量較２０２３年春運增長８１９％，春節期間出境遊及入境遊訂單，按年增長超過十倍，近期東南亞國家都同神州協議互免簽證，神州疫情後旅遊意慾需求，喺春節黃金檔期仍可以進一步釋放？股價方面，對假期因素既利好憧憬，在農曆新年前就會基本反映曬？攜程上日跟大市調整，現價值搏嗎？機票價格方面，自１月以來，神州入境機票單程含稅均價約１６００元人仔，按年下跌逾六成，國際航線復蘇緩慢，都係三大航空股股價持續積弱嘅原因？　　公路股或會受惠於出行概念，除息率普遍較高外，近期股價表現都唔錯，特別係浙江滬杭甬（００５７６）近期反覆向上，今日回調後可吸納嗎？　　聽日（３１日）《開市Ｇｏｏｄ　Ｍｏｒｎｉｎｇ》搵嚟資深財經分析師熊麗萍，同大家分析上述股份、大市走勢，同埋當日嘅焦點股！歡迎大家提問投資及其他股票問題。記得準時８：５５ａｍ，昅實《經濟通》ＮｅｗｓＴＶ直播節目－－《開市Ｇｏｏｄ　Ｍｏｒｎｉｎｇ》喇！或者ｃｌｉｃｋ入嚟　ｈｔｔｐｓ：╱╱ｗｗｗ﹒ｙｏｕｔｕｂｅ﹒ｃｏｍ╱ｗａｔｃｈ？ｖ＝６ｑｋｋＡｙｌｊ８ｏｇ　打個卡先又得！

第九屆「傳媒轉型大獎」請投etnet經濟通一票！ ► 立即行動