《開市Ｇｏｏｄ　Ｍｏｒｎｉｎｇ》香江魚缸先低後高，但收市都只係得７５點，守住１７５００點水平，仍未有力突破萬八關，成交續弱未及千億銀門檻。連業績期都托唔起大市，現時最大痛點仍是成交不足？９月份全球密切留意花旗國聯儲局嘅減息行動，屆時或有利外資回流魚缸？近期大行再度轉為唱淡魚缸，如大摩再對恒指奏「摩笛」，預計恒指明年最悲觀會下試１２０００點。參考魚缸於４月、５月強勢時，大行普遍唱好，如今跌市時轉為唱淡；如未來再度唱好，便有機會是魚缸資金流轉強之時？　　至於聽日（２８日）放榜嘅美團（０３６９０），據彭博綜合分析師預測，料次季經調整盈利按年或將有逾三成升幅至約１０３億元人仔；收入方面則料有約一成八升幅，增幅較首季放慢。Ａｌｖｉｎ預計美團能否複製阿里巴巴（０９９８８）及京東（０９６１８）業績對股價嘅利好作用呢？究竟係帶動定拖累大市？美團現時回購庫存股累計１﹒１６億股，貨值１２７億銀，恐破回購功力？美團ＫｅｅＴａ進軍香江後，隨即已以低價搶佔市佔率。但價格戰過後，又有無力維持市佔率？針對餐飲外賣嘅單位經濟（ｕｎｉｔ　ｅｃｏｎｏｍｉｃｓ），美團除咗低價以外仲有無其他穩住基本面嘅手段？轉攻海外市場仲有無條件以同樣手段搶市佔？　　聽日《開市Ｇｏｏｄ　Ｍｏｒｎｉｎｇ》搵請來信誠證券聯席董事張智威，同大家分析上述股份、大市走勢，以及即日焦點股！歡迎大家提問投資及其他股票問題。記得準時８：５５ａｍ，昅實《經濟通》ＮｅｗｓＴＶ直播節目－－《開市Ｇｏｏｄ　Ｍｏｒｎｉｎｇ》喇！或者ｃｌｉｃｋ入嚟ｈｔｔｐｓ：╱╱ｗｗｗ﹒ｙｏｕｔｕｂｅ﹒ｃｏｍ╱ｗａｔｃｈ？ｖ＝ＫｙｐＲＮＥ１Ｚ０ｄ８打個卡先又得！

【香港好去處】etnet全新頻道盛大推出！全港最齊盛事活動資訊盡在掌握！► 即睇