《開市Ｇｏｏｄ　Ｍｏｒｎｉｎｇ》香江魚缸雖然連升咗五日，但呢兩日大市明顯缺乏方向，全日波幅只有近２００點，悶局下迎接超級業績周，今日收市後將有重磅科技股公布業績，惟單靠業績難對大市帶來催化作用？另外，神州亦將公布三頭馬車數據，但最新７月新增貸款創近１５年低位，似乎已暗示難對三頭馬車數據寄予厚望？　　騰訊（００７００）收市後打頭陣派成績表，根據彭博統計，孖屐預料騰訊第二季收入逾１６１３億人仔，按年增７﹒６巴仙，當中遊戲收入料按年增逾半成，經調整純利料４８７億元，按年增三成。孖屐對今次份業績比較樂觀，會否期望愈大、失望愈大？靠遊戲、音樂和影片等業務，可以抵消廣告及金融科技等周期性業務疲軟？旗下騰訊音樂（０１６９８）績後急插，拖累騰訊股價下跌？　　周四（１５日）《開市Ｇｏｏｄ　Ｍｏｒｎｉｎｇ》請來國農證券董事總經理林家亨，同大家分析上述股份、大市走勢，當然唔少得當日嘅焦點股！歡迎大家提問投資及其他股票問題。記得準時８：５５ａｍ，昅實《經濟通》ＮｅｗｓＴＶ直播節目－－《開市Ｇｏｏｄ　Ｍｏｒｎｉｎｇ》喇！或者ｃｌｉｃｋ入嚟　ｈｔｔｐｓ：╱╱ｗｗｗ﹒ｙｏｕｔｕｂｅ﹒ｃｏｍ╱ｗａｔｃｈ？ｖ＝ａｖ７ＡＪｊＪＡ－ｑ８打個卡先又得！

【etnet 30周年】多重慶祝活動一浪接一浪，好禮連環賞！ ► 即睇詳情